Netlausnir

Appið virkar í Android tækjum með stýrikerfi 2.3.3 og nýrra ásamt iPhone með útgáfu iOS 6.0 og upp úr.

Appið er viðskiptavinum að kostnaðarlausu. Einungis er greitt fyrir þann gagnaflutning sem á sér stað í gegnum 3G og WiFi við notkun appsins. Íslandsbankaappið er þó hannað þannig að það er bæði hraðvirkt og gagnamagni haldið í lágmarki við notkun þess. Kostnaður við SMS tilkynningar og auðkennisnúmer í SMS eru samkvæmt gjaldskrá Íslandsbanka.

Við hönnun á appinu var beitt nýrri hugsun. Þannig er nóg fyrir notanda að loka appinu hverju sinn og appið sér sjálft um útskráninguna eftir að notandi hefur lokað því og opnar ekki appið  í 2 mínútur eða lengur.

Appið er enn sem komið er einungis í boði fyrir einstaklinga með aðgang að Netbanka Íslandsbanka. Í appinu geta viðskiptavinir jafnframt haft yfirlit yfir alla þá reikninga sem þeir hafa aðgang að í Netbanka einstaklinga.

Til ráðstöfunar er sú fjárhæð sem hægt er að ráðstafa (eyða). Inni í þessari fjárhæð er tekið tillit til rauntímanotkunar og innborgana á kort.

Ógreiddir reikningar eru undanskildir úttektarheimildinni í appinu. Þannig er hægt að greiða reikninga í appinu fyrir hærri fjárhæðir en hámarks úttektarheimild á sólarhring í Hraðfærslum.

Í Netbankanum er hægt að breyta greiðsludagsetningu á kröfu sem komin er í greiðsluferli. Það er gert undir Yfirlit > Greiðslubeiðnir.

Hægt er að fela valkröfur sem og aðrar kröfur sem birtast í ógreiddum reikningum í appinu. Það er gert með því að renna fingrinum til vinstri yfir þá kröfu sem þú vilt fela og velja "fela". Athugið að kröfur eru enn virkar þó búið sé að fela þær. Stundum getur því verið æskilegt að hafa samband við þann sem stofnaði kröfuna og biðja um að krafan sé felld niður ef þú heldur að um mistök sé að ræða.

Ekki er hægt að fella niður kröfur í appinu og Netbanka. Til þess að fella niður kröfu þarft þú að hafa samband við þann sem stofnaði kröfuna og biðja um að krafan verði felld niður.

Já, hægt er að greiða einn eða fleiri reikninga í einu í appinu. Einnig er hægt að velja um hvort reikningar greiðist samstundis eða á eindaga.

Notendur sjá öll verðbréfasöfn sem þeir eru með skoðunaraðgang að í Netbanka Íslandsbanka. Hér getur verið um að ræða eigin söfn notanda eða söfn í eigu annarra aðila.

Upphafssíða "VÍB verðbréfa" sýnir eignastöðu einstakra safna m.v. daginn í dag, ásamt fjölda verðbréfahreyfinga (viðskipta) á árinu. Hægt er að skoða eignir eftir eignaflokkum og niður á stök verðbréf, þar sem auk þess birtast síðustu hreyfingar í viðkomandi bréfi. Yfirlit hreyfinga sýnir allar verðbréfahreyfingar sem hægt er að skoða nánar hverja fyrir sig. Fletta má eignum eftir dagsetningu að eigin vali og velja tímabil fyrir hreyfingar.

Á síðunni "Staðan" er birt heildareignastaða allra verðbréfasafna sem eru í eigu innskráðs notanda og hann er með skoðunaraðgang að í Netbanka. Vanti inn söfn hafið samband við VÍB í síma 440 4900 eða fáið aðstoð verðbréfafulltrúa í næsta útibúi Íslandsbanka.

Já, notendur geta valið hvaða síða birtist fyrst þegar appið er opnað. Undir "Stillingar" (tannhjól) er farið í liðinn "Veldu upphafsskjá" og hakað þar við "VÍB verðbréf".

Ásamt því að geta aftengt notanda í appinu sjálfu undir liðnum stillingar, geta notendur einnig aftengt appið undir „Stillingar > App“ í Netbankanum þínum eða haft samband við þjónustuver Íslandsbanka í síma 440-4000. Eftir það er ekki hægt að framkvæma í fjárhagslegar aðgerðir í viðkomandi tæki nema notandi skrái tækið aftur með réttu notendanafni, lykilorði og staðfesti með auðkennisnúmeri.

Notendur geta slegið inn rangt öryggisnúmer alls 4 sinnum. Eftir 5 rangar tilraunir lokast fyrir aðganginn að appinu og Netbankanum. Þetta er gert til að tryggja öryggi notenda. Viðskiptavinir geta haft samband við þjónustuver Íslandsbanka í síma 440 4000 til að fá opnað fyrir aðganginn að nýju eða komið við í næsta útibúi.