Frétt

Íslandsbanki fær jákvæðar horfur frá S&P

Standard & Poor´s hefur endurskoðað horfur Íslandsbanka úr stöðugum í jákvæðar og staðfest lánshæfismat bankans sem er BB+/B.

S&P segir jákvæðar horfur Íslandsbanka endurspegla jákvæðar horfur á íslenska ríkið og skoðun þeirra á að bankakerfið sé að þróast til betri vegar. Þann 18. júlí 2014 breyttu þeir horfum sínum á íslenska ríkið í jákvæðar vegna aukins hagvaxtar og lækkun ríkisskulda.

Fyrirtækið býst við því að gæði eignasafns bankans fari batnandi á næstu tveimur árum og að bankinn nái að minnka áhættu tengda fasteignum og hlutabréfum á efnahagsreikningi sínum.

S&P vekur líka athygli á því að vegna stærðar eiginfjárgrunns bankans gæti það verið honum í hag ef S&P myndi hækka lánshæfismat ríkisins og lækka áhættumat tengt efnahagslegu ójafnvægi í bankakerfinu.

Jón Guðni Ómarsson, fjármálastjóri Íslandsbanka:
„Þessi niðurstaða er í takti við væntingar okkar í ljósi breytinga á horfum íslenska ríkisins síðastliðið sumar. Það er ánægjulegt að fá viðurkenningu á þeim árangri sem hefur náðst, bæði í íslensku efnahagslífi sem og í endurskipulagningu lánasafns bankans. Þetta mun vonandi hafa jákvæð áhrif á aðgengi okkar að erlendu fjármagni sem gerir okkur kleift að þjónusta viðskiptavini okkar enn betur.“

Til baka

Fannst þér efnið á síðunni hjálplegt?
Afhverju ekki?
Hætta við

Ábending þín er notuð til að bæta gæði þjónustu og upplýsinga á vef Íslandsbanka. Vantar þig aðstoð sem krefst þess að við svörum þér má hafa samband við Þjónustuver Íslandsbanka.

Netspjall