Fjölmenni við opnun Kvosarinnar viðskiptaseturs

24.02.2009

Um eitthundrað gestir voru viðstaddir opnun Kvosarinnar viðskiptaseturs í húsnæði Íslandsbanka við Lækjargötu í morgun en um er að ræða frumkvöðlamiðstöð þar sem um 20 einstaklingar og fyrirtæki hafa aðstöðu. Um er að ræða samstarfsverkefni Íslandsbanka, Nýsköpunarmiðstöðvar Íslands (NMÍ) og Samtaka starfsmanna fjármálafyrirtækja (SSF).

Þorsteinn Sigfússon, forstjóri Nýsköpunarmiðstöðvar Íslands bauð gesti velkomna og óskaði öllum samstarfsaðilum til hamingju með daginn. Hann sagði sérlega viðeigandi að opnað væri frumkvöðlasetur í húsnæði sem nú hýsti Íslandsbanka og hafi áður hýst Iðnlánasjóð. Það væri því á góðum grunni að byggja fyrir þá frumkvöðla sem starfa þar í dag.

Össur Skarphéðinsson, iðnaðar- og utanríkisráðherra ávarpaði gesti og þakkaði NMÍ,  Íslandsbanka og SSF fyrir framtakið.  Hann sagði mikilvægt, ekki síst við núverandi efnahagsaðstæður, að hlúa að frumkvöðlastarfsemi í landinu og sagði stjórnvöld hafa gert ýmislegt til þess að búa betur að slíkri starfsemi undanfarið, m.a. með starfrækslu ýmissa sjóða. Hann sagði undirstöður íslensks atvinnulífs sterkar  þrátt fyrir allt og benti á að ýmsar gjaldeyrisskapandi atvinnugreinar á borð við sjávarútveg, ferðamál og orkuiðnað stæðu nokkuð sterkt.

Birna Einarsdóttir, bankastjóri Íslandsbanka bauð frumkvöðlanna velkomna í húsið og sagði mjög ánægjulegt að sjá svo margar og fjölbreyttar viðskiptahugmyndir og fyrirtæki vera í burðarliðnum.  Hún sagði augljóslega mikinn kraft vera í íslenskum frumkvöðlum og sagðist ánægð með samstarf Íslandsbanka, NMÍ og SFF.

Fulltrúar þriggja frumkvöðlafyrirtækja kynntu fyrirtæki sín og starfsemi en það voru fulltrúar fyrirtækjanna RemakeElectric sem þróar rafmagnsvara, MedicalAlgorithms sem þróar hugbúnað á sviði heilsutækni, Manifesto sem hefur þróað stutt og  hnitmiðuð netnámskeið sem gagnast stjórnendum og sérfræðingum í fyrirtækjum og stofnunum og Risk.is sem hefur þróað áhættureikni fyrir sykursjúka.

Nýjustu fréttir

Íslandsbanki gefur út skuldabréf fyrir 300 milljónir evra og tilkynnir um endurkaup á hluta af eldra skuldabréfi

04.04.2019 - Kauphöll
Íslandsbanki hefur í dag gefið út skuldabréf að fjárhæð 300 milljónir evra (um 40 milljarðar íslenskra króna) til 3 ára. Bréfið ber 1,125% fasta vexti...Nánar

Aðalfundur Íslandsbanka 2019 - dagskrá, aðilar í framboði og tillögur

19.03.2019
Aðalfundur Íslandsbanka verður haldinn fimmtudaginn 21. mars 2019, kl. 15:00 í höfuðstöðvum bankans á 9. hæð Norðurturns að Hagasmára 3, 201 Kópavogi...Nánar

Íslandsbanki með átta tilnefningar til Lúðursins

28.02.2019
Íslandsbanki er með átta tilnefningar til Lúðurins ásamt því að vera tilnefndur til ÁrunnarNánar

Aðalfundur Íslandsbanka

25.02.2019
Aðalfundur Íslandsbanka verður haldinn fimmtudaginn 21. mars 2019.Nánar

Sparað fyrir barneignum

20.02.2019
Tekjutap aðila með meðaltekjur í 6 mánaða fæðingarorlofi nemur um 640.000 krónum. Við þetta bætast 400.000 krónur í töpuðum séreignarsparnaði. Ástæðan...Nánar

Íslandsbanki hefur gefið út ársskýrslu og áhættuskýrslu (Pillar 3) fyrir árið 2018

13.02.2019 - Kauphöll
Íslandsbanki hefur gefið út ársskýrslu og áhættuskýrslu fyrir árið 2018. Nánar

Ársuppgjör 2018

13.02.2019 - Kauphöll
Afkoma bankans og Íslandssjóða var ágæt á árinu og skilaði samstæðan hagnaði upp á 10,6 ma. kr. en erfiður rekstur annarra dótturfélaga dró heldur úr...Nánar
Netspjall