3.000 viðskiptavinir nýta sér fjármálavefinn Meniga

20.01.2010

Þann 13. janúar kynnti nýsköpunarfyrirtækið Meniga ehf., í samstarfi við Íslandsbanka, byltingakenndan heimilisfjármálavef sem tengdur er við Netbanka Íslandsbanka og ber nafnið Meniga. Vefurinn hjálpar notendum að öðlast yfirsýn yfir rekstur heimilisins og bendir á raunhæfar leiðir til sparnaðar sem eru sérsniðnar að neyslumynstri notenda. Meniga sækir og flokkar sjálfvirkt allar færslur af bankareikningum og greiðslukortum. Með einföldum hætti geta notendur fylgst með útgjöldum, tekjum og stöðu fjármála heimilisins á myndrænan og skýran hátt auk þess sem þeir geta borið neyslu sína saman við aðra notendur Meniga.

Meniga hefur fengið frábærar viðtökur en allir viðskiptavinir Íslandsbanka, geta fengið aðgang að Meniga í gegnum Netbanka Íslandsbanka. Notendur eru nú tæplega 3.000 og þeim fjölgar hratt.

Georg Lúðvíksson, framkvæmdastjóri Meniga ehf.:

„Mikil vinna liggur að baki Meniga og það er ótrúlega gefandi eftir þrotlaust starf í langan tíma að finna svo sterkt fyrir því að lausnin sé að hjálpa fólki svo um munar með heimilisfjármálin. Í glóðvolgri þjónustukönnun segjast tæplega 90% notenda munu nota Meniga reglulega í framtíðinni og sama hlutfall segist mæla með lausninni við aðra. Íslandsbanki sýndi mikla framsýni með því að veðja á Meniga og er annar bankinn í Evrópu sem býður sínum viðskiptavinum upp á lausn á borð við þessa. En við erum bara rétt að byrja: Stöðugt verður bætt við nýrri virkni við Meniga og við sjáum líka mikil tækifæri í að fara með lausnina á stærri markaði í Evrópu. Nokkrir erlendir bankar hafa þegar sýnt lausninni áhuga enda áhugasamir um heimilisfjármálalausnir sem spretta upp úr íslenskum aðstæðum eins og þær eru nú.

Una Steinsdóttir, framkvæmdastjóri Viðskiptabankasviðs Íslandsbanka:

„Undanfarið hefur Íslandsbanki einbeitt sér að lausnum og úrræðum fyrir viðskiptavini og hefur rutt brautina á því sviði. En um leið er mikilvægt að huga að forvörnum og fræðslu, t.d. með fjármálanámskeiðum og lausnum sem hjálpa viðskiptavinum að bæta fjárhag heimilisins. Meniga er einmitt slíkt verkfæri, en það veitir notendunum nauðsynlega yfirsýn yfir fjármálin og einfaldar heimilisbókhaldið verulega. Móttökurnar eru framar vonum hjá viðskiptavinum sem sýnir þörfina fyrir slíka lausn"

Allar upplýsingar um Meniga er að finna á meniga.is.

Nýjustu fréttir

Íslandsbanki gefur út skuldabréf fyrir 300 milljónir evra og tilkynnir um endurkaup á hluta af eldra skuldabréfi

04.04.2019 - Kauphöll
Íslandsbanki hefur í dag gefið út skuldabréf að fjárhæð 300 milljónir evra (um 40 milljarðar íslenskra króna) til 3 ára. Bréfið ber 1,125% fasta vexti...Nánar

Aðalfundur Íslandsbanka 2019 - dagskrá, aðilar í framboði og tillögur

19.03.2019
Aðalfundur Íslandsbanka verður haldinn fimmtudaginn 21. mars 2019, kl. 15:00 í höfuðstöðvum bankans á 9. hæð Norðurturns að Hagasmára 3, 201 Kópavogi...Nánar

Íslandsbanki með átta tilnefningar til Lúðursins

28.02.2019
Íslandsbanki er með átta tilnefningar til Lúðurins ásamt því að vera tilnefndur til ÁrunnarNánar

Aðalfundur Íslandsbanka

25.02.2019
Aðalfundur Íslandsbanka verður haldinn fimmtudaginn 21. mars 2019.Nánar

Sparað fyrir barneignum

20.02.2019
Tekjutap aðila með meðaltekjur í 6 mánaða fæðingarorlofi nemur um 640.000 krónum. Við þetta bætast 400.000 krónur í töpuðum séreignarsparnaði. Ástæðan...Nánar

Íslandsbanki hefur gefið út ársskýrslu og áhættuskýrslu (Pillar 3) fyrir árið 2018

13.02.2019 - Kauphöll
Íslandsbanki hefur gefið út ársskýrslu og áhættuskýrslu fyrir árið 2018. Nánar

Ársuppgjör 2018

13.02.2019 - Kauphöll
Afkoma bankans og Íslandssjóða var ágæt á árinu og skilaði samstæðan hagnaði upp á 10,6 ma. kr. en erfiður rekstur annarra dótturfélaga dró heldur úr...Nánar
Netspjall