Yfirlýsing vegna tilmæla FME og Seðlabanka

01.07.2010

Fjármálaeftirlitið og Seðlabanki Íslands gáfu í gær út tilmæli um hvernig fjármálafyrirtæki skuli vaxtareikna lán sem innhalda óskuldbindandi gengistryggingarákvæði þar til mál skýrast endanlega fyrir dómstólum.

Þegar Hæstiréttur kvað upp úrskurð í málum er vörðuðu gengistryggð bílalán þann 16. júní sl. lýsti Íslandsbanki því yfir að bankinn myndi hlíta niðurstöðu dómanna og aðgerða stjórnvalda ef til þeirra kæmi. Ljóst er að bílalán og kaupleigusamningar hjá Íslandsbanka Fjármögnun falla undir tilmæli FME og Seðlabanka og því mun í framhaldinu verða reiknuð út ný staða slíkra lána sem gildir þar til Hæstiréttur hefur skorið nánar úr um hvaða vextir skuli gilda á samningunum.

Íslandsbanki Fjármögnun hefur þegar ákveðið að fresta útsendingu greiðsluseðla vegna bílalána og kaupleigusamninga í erlendum myntum fyrir júlímánuð og hefur ákveðið að sama gildi með gjalddaga fyrir ágústmánuð. Hinsvegar verður ný staða reiknuð á slíkum lánum og mun afborgun þann 1. september næstkomandi miðast við þá stöðu. Þá hefur tímabundið verið hætt öllum innheimtuaðgerðum vegna gengistryggðra kaupleigusamninga og  bílalána til einstaklinga. Enda þótt ekki séu sendir út greiðsluseðlar geta viðskiptamenn greitt inn á lán sín og verður að sjálfsögðu tekið tillit til slíkra innborgana við endurútreikning lánanna.

Fjölmörgum spurningum er ósvarað um álitamál sem rísa vegna eigendaskipta, uppgreiðslu og annarra þátta er snerta lán sem hafa að geyma óskuldbindandi gengistryggingarákvæði. Leitast verður við að  leysa úr þeim málum með eins skjótum og skýrum hætti og kostur er.

Innan Íslandsbanka er nú verið að fara yfir öll lán í erlendum gjaldmiðlum í því skyni að leggja mat á hvort þau hafi að geyma óskuldbindandi gengistryggingarákvæði.  Leiði sú yfirferð í ljós að aðrar tegundir lána en kaupleigusamningar og bílalán til einstaklinga bankans falli undir tilmæli FME og Seðlabanka og/eða aðra niðurstöðu dómstóla verður að sjálfsögðu tekið tillit til greiðslna afborgana og vaxta inn á slík lán við endurútreikning og uppgjör, ef til kemur, og tryggt að viðskiptavinir njóti betri réttar.

Íslandsbanki vill þakka viðskiptavinum sínum fyrir sýnda þolinmæði undanfarna daga. Jafnframt þykir bankanum miður sú óvissa sem ríkt hefur og þau óþægindi sem málið í heild sinni hefur haft fyrir viðskiptavini.

 

Nýjustu fréttir

Íslandsbanki gefur út skuldabréf fyrir 300 milljónir evra og tilkynnir um endurkaup á hluta af eldra skuldabréfi

04.04.2019 - Kauphöll
Íslandsbanki hefur í dag gefið út skuldabréf að fjárhæð 300 milljónir evra (um 40 milljarðar íslenskra króna) til 3 ára. Bréfið ber 1,125% fasta vexti...Nánar

Aðalfundur Íslandsbanka 2019 - dagskrá, aðilar í framboði og tillögur

19.03.2019
Aðalfundur Íslandsbanka verður haldinn fimmtudaginn 21. mars 2019, kl. 15:00 í höfuðstöðvum bankans á 9. hæð Norðurturns að Hagasmára 3, 201 Kópavogi...Nánar

Íslandsbanki með átta tilnefningar til Lúðursins

28.02.2019
Íslandsbanki er með átta tilnefningar til Lúðurins ásamt því að vera tilnefndur til ÁrunnarNánar

Aðalfundur Íslandsbanka

25.02.2019
Aðalfundur Íslandsbanka verður haldinn fimmtudaginn 21. mars 2019.Nánar

Sparað fyrir barneignum

20.02.2019
Tekjutap aðila með meðaltekjur í 6 mánaða fæðingarorlofi nemur um 640.000 krónum. Við þetta bætast 400.000 krónur í töpuðum séreignarsparnaði. Ástæðan...Nánar

Íslandsbanki hefur gefið út ársskýrslu og áhættuskýrslu (Pillar 3) fyrir árið 2018

13.02.2019 - Kauphöll
Íslandsbanki hefur gefið út ársskýrslu og áhættuskýrslu fyrir árið 2018. Nánar

Ársuppgjör 2018

13.02.2019 - Kauphöll
Afkoma bankans og Íslandssjóða var ágæt á árinu og skilaði samstæðan hagnaði upp á 10,6 ma. kr. en erfiður rekstur annarra dótturfélaga dró heldur úr...Nánar
Netspjall