17.000 lán verða endurútreiknuð hjá Íslandsbanka

01.03.2011

Íslandsbanki hefur á síðustu vikum unnið að endurútreikningi húsnæðis- og bílalána, kaupleigusamninga og einkaleigusamninga einstaklinga í erlendum myntum. Í þessari viku stefnir bankinn að því að ljúka við endurútreikning á nær tíu þúsund bílalánum af þeim tæplega tólf þúsund lánum sem verða endurreiknuð. Gert er ráð fyrir að síðasti áfangi endurútreiknings bílalána, samtals um 2000 lán, verði birtur viðskiptavinum á næstum fjórum vikum.

Nú þegar hefur Íslandsbanki greitt út um einn og hálfan milljarð króna til viðskiptavina vegna endurútreiknings.

Íslandsbanki hefur samhliða þessu hafið endurútreikning á húsnæðislánum og gert ítarlega úttekt á þeim lánasamningum sem hafa verið algengastir undanfarin ár. Bankinn hefur ákveðið að ganga lengra en breytingar á lögum nr. 38/2001 sem samþykktar voru af Alþingi í desember síðastliðnum segja til um.

Það þýðir að öll erlend lán með veði í íbúðarhúsnæði verða endurreiknuð hjá Íslandsbanka, burt séð frá því hvort um íbúðarhúsnæði til eigin nota er að ræða eða ekki. Þá býður Íslandsbanki einnig upp á höfuðstólslækkun og fleiri valkosti um vaxtakjör en lögin gera ráð fyrir, m.a. tímabundinn vaxtaafslátt frá óverðtryggðum húsnæðislánakjörum. Breytilegir óverðtryggðir vextir Íslandsbanka með tímabundnum afsláttarkjörum eru nú 3,75%.

Í heild verða um 5000 húsnæðislán endurreiknuð. Nú hafa um eitt þúsund lán verið birt í heimabönkum viðskiptavina okkar.  Stefnt er að því að endurútreikningur allra lána sem teljast til húsnæðislána samkvæmt lögunum verður birtur í heimabönkum viðskiptavina fyrir lok mánaðarins.

Þegar yfirlýkur mun Íslandsbanki hafa endurreiknað samtals um 17.000 lánasamninga viðskiptavina með húsnæðis- og bílalán, kaupleigusamninga og einkaleigusamninga í erlendum myntum.

Þar til endurútreikningar liggja fyrir stendur viðskiptavinum með húsnæðislán áfram til boða að greiða mánaðarlega 5.000 kr. af hverri upphaflegri milljón lánsins. Allar greiðslur verða teknar með inn í endurútreikning lánsins.

Nýjustu fréttir

Íslandsbanki gefur út skuldabréf fyrir 300 milljónir evra og tilkynnir um endurkaup á hluta af eldra skuldabréfi

04.04.2019 - Kauphöll
Íslandsbanki hefur í dag gefið út skuldabréf að fjárhæð 300 milljónir evra (um 40 milljarðar íslenskra króna) til 3 ára. Bréfið ber 1,125% fasta vexti...Nánar

Aðalfundur Íslandsbanka 2019 - dagskrá, aðilar í framboði og tillögur

19.03.2019
Aðalfundur Íslandsbanka verður haldinn fimmtudaginn 21. mars 2019, kl. 15:00 í höfuðstöðvum bankans á 9. hæð Norðurturns að Hagasmára 3, 201 Kópavogi...Nánar

Íslandsbanki með átta tilnefningar til Lúðursins

28.02.2019
Íslandsbanki er með átta tilnefningar til Lúðurins ásamt því að vera tilnefndur til ÁrunnarNánar

Aðalfundur Íslandsbanka

25.02.2019
Aðalfundur Íslandsbanka verður haldinn fimmtudaginn 21. mars 2019.Nánar

Sparað fyrir barneignum

20.02.2019
Tekjutap aðila með meðaltekjur í 6 mánaða fæðingarorlofi nemur um 640.000 krónum. Við þetta bætast 400.000 krónur í töpuðum séreignarsparnaði. Ástæðan...Nánar

Íslandsbanki hefur gefið út ársskýrslu og áhættuskýrslu (Pillar 3) fyrir árið 2018

13.02.2019 - Kauphöll
Íslandsbanki hefur gefið út ársskýrslu og áhættuskýrslu fyrir árið 2018. Nánar

Ársuppgjör 2018

13.02.2019 - Kauphöll
Afkoma bankans og Íslandssjóða var ágæt á árinu og skilaði samstæðan hagnaði upp á 10,6 ma. kr. en erfiður rekstur annarra dótturfélaga dró heldur úr...Nánar
Netspjall