Þjóðhagsspá Greiningar Íslandsbanka

12.10.2011

Ingólfur Bender, forstöðumaður Greiningar Íslandsbanka, kynnti nýja þjóðhagsspá á Fjármálaþingi Íslandsbanka sem nú stendur yfir.  Í greiningunni kemur fram að líklegt sé að hagvöxtur hér á landi verði hægur á næstunni og er því spáð að á honum muni hægja á milli áranna 2011 og 2012. Engu að síður er reiknað með vexti og að hagvöxtur verði 2,2% á næsta ári og 2,5% í ár.

Þá er einnig gert ráð fyrir að einkaneyslan muni halda áfram að aukast á næsta ári en ögn hægar en á þessu ári. Greiningin telur að aðgengi að séreignarsparnaði auk eftirgjafar á skuldum heimilanna leggi ekki eins mikið til vaxtarins þá og verið hefur. Einnig er gert ráð fyrir að kaupmáttur launa verði enn vaxandi og að störfum fjölgi sem að hvoru tveggja auka ráðstöfunartekjur heimilanna.

Greining Íslandsbanka reiknar með að fjárfesting sem hlutfall af landsframleiðslu í ár verði um 13% samanborið við 20% að meðaltali í þróuðum ríkjum. Mikil skuldsetning, gjaldeyrishöft, óvissa og tortryggni í garð erlendra fjárfesta ásamt óvissu um framtíð kvótakerfisins sé meðal þess sem haldi fjárfestingarstiginu niðri. Þó megi greina vöxt fjárfestingar og mældist hann 2,3% á fyrri helmingi þessa árs.

Þá er gert ráð fyrir að verðbólgukúfurinn hafi náð hámarki og muni verðbólgan hjaðna nokkuð hratt á næsta ári. Greiningin telur að Seðlabankinn muni halda stýrivöxtum sínum óbreyttum um sinn og að gjaldeyrishöft muni áfram tryggja stöðugleika krónunnar.

Nýjustu fréttir

Íslandsbanki gefur út skuldabréf fyrir 300 milljónir evra og tilkynnir um endurkaup á hluta af eldra skuldabréfi

04.04.2019 - Kauphöll
Íslandsbanki hefur í dag gefið út skuldabréf að fjárhæð 300 milljónir evra (um 40 milljarðar íslenskra króna) til 3 ára. Bréfið ber 1,125% fasta vexti...Nánar

Aðalfundur Íslandsbanka 2019 - dagskrá, aðilar í framboði og tillögur

19.03.2019
Aðalfundur Íslandsbanka verður haldinn fimmtudaginn 21. mars 2019, kl. 15:00 í höfuðstöðvum bankans á 9. hæð Norðurturns að Hagasmára 3, 201 Kópavogi...Nánar

Íslandsbanki með átta tilnefningar til Lúðursins

28.02.2019
Íslandsbanki er með átta tilnefningar til Lúðurins ásamt því að vera tilnefndur til ÁrunnarNánar

Aðalfundur Íslandsbanka

25.02.2019
Aðalfundur Íslandsbanka verður haldinn fimmtudaginn 21. mars 2019.Nánar

Sparað fyrir barneignum

20.02.2019
Tekjutap aðila með meðaltekjur í 6 mánaða fæðingarorlofi nemur um 640.000 krónum. Við þetta bætast 400.000 krónur í töpuðum séreignarsparnaði. Ástæðan...Nánar

Íslandsbanki hefur gefið út ársskýrslu og áhættuskýrslu (Pillar 3) fyrir árið 2018

13.02.2019 - Kauphöll
Íslandsbanki hefur gefið út ársskýrslu og áhættuskýrslu fyrir árið 2018. Nánar

Ársuppgjör 2018

13.02.2019 - Kauphöll
Afkoma bankans og Íslandssjóða var ágæt á árinu og skilaði samstæðan hagnaði upp á 10,6 ma. kr. en erfiður rekstur annarra dótturfélaga dró heldur úr...Nánar
Netspjall