Íslandsbanki: Tveir nýir flokkar sértryggðra skuldabréfa skráðir í kauphöll

05.03.2012 - Kauphöll

Íslandsbanki hefur lokið útboði á tveimur nýjum flokkum sértryggðra skuldabréfa á NASDAQ OMX Iceland hf., en Íslandsbanki var fyrsta fjármálafyrirtækið síðan í nóvember 2008 til að gefa út verðbréf í íslensku kauphöllinni í desember 2011.

Um er að ræða tvær verðtryggðar útgáfur sértryggðra skuldabréfa. Annars vegar 7 ára flokk, ISLA CBI 19, að upphæð ISK 1.830.000.000 á ávöxtunarkröfunni 2,84%, og hins vegar 12 ára flokk, ISLA CBI 24, að upphæð ISK 1.500.000.000 á ávöxtunarkröfunni 3,45%. Bréfin verða tekin til viðskipta í íslensku kauphöllinni þann 7. mars næstkomandi.

Bréfin voru seld til breiðs hóps fagfjárfesta. Heildareftirspurnin var ISK 4.950.000.000, en 67% tilboða var tekið að upphæð 3.330.000.000 krónur. Engin tilboð voru samþykkt í óverðtryggðan flokk til 3 ára. Viðskiptavakt fyrir alla flokka sértryggðra skuldabréfa Íslandsbanka er á vegum MP banka.

Bréfin eru gefin út samkvæmt lögum nr. 11 frá 2008 um sértryggð skuldabréf þar sem strangar kröfur eru gerðar til útgefenda. Tryggingasafnið að baki skuldabréfinu skal standast sérstök vikuleg álagspróf með tilliti til vaxta og gengis gjaldmiðla. Þá hefur Fjármálaeftirlitið sérstakt eftirlit með útgáfunni, auk þess sem sjálfstæður skoðunarmaður sinnir eftirliti.

Nýjustu fréttir

Íslandsbanki gefur út skuldabréf fyrir 300 milljónir evra og tilkynnir um endurkaup á hluta af eldra skuldabréfi

04.04.2019 - Kauphöll
Íslandsbanki hefur í dag gefið út skuldabréf að fjárhæð 300 milljónir evra (um 40 milljarðar íslenskra króna) til 3 ára. Bréfið ber 1,125% fasta vexti...Nánar

Aðalfundur Íslandsbanka 2019 - dagskrá, aðilar í framboði og tillögur

19.03.2019
Aðalfundur Íslandsbanka verður haldinn fimmtudaginn 21. mars 2019, kl. 15:00 í höfuðstöðvum bankans á 9. hæð Norðurturns að Hagasmára 3, 201 Kópavogi...Nánar

Íslandsbanki með átta tilnefningar til Lúðursins

28.02.2019
Íslandsbanki er með átta tilnefningar til Lúðurins ásamt því að vera tilnefndur til ÁrunnarNánar

Aðalfundur Íslandsbanka

25.02.2019
Aðalfundur Íslandsbanka verður haldinn fimmtudaginn 21. mars 2019.Nánar

Sparað fyrir barneignum

20.02.2019
Tekjutap aðila með meðaltekjur í 6 mánaða fæðingarorlofi nemur um 640.000 krónum. Við þetta bætast 400.000 krónur í töpuðum séreignarsparnaði. Ástæðan...Nánar

Íslandsbanki hefur gefið út ársskýrslu og áhættuskýrslu (Pillar 3) fyrir árið 2018

13.02.2019 - Kauphöll
Íslandsbanki hefur gefið út ársskýrslu og áhættuskýrslu fyrir árið 2018. Nánar

Ársuppgjör 2018

13.02.2019 - Kauphöll
Afkoma bankans og Íslandssjóða var ágæt á árinu og skilaði samstæðan hagnaði upp á 10,6 ma. kr. en erfiður rekstur annarra dótturfélaga dró heldur úr...Nánar
Netspjall