Hlauparar og góðgerðarfélög fögnuðu góðum árangri

12.09.2012

Uppskeruhátíð Reykjavíkurmaraþons Íslandsbanka var haldin í útibúinu á Kirkjusandi í gær. Í ár söfnuðust tæpar 46 milljónir króna til handa 130 góðgerðarfélögum. Þetta er met í áheitsöfnun en um 3.400 hlauparar hlupu til góðs. Kári Steinn Karlsson, maraþonhlaupari, afhenti viðurkenningar til þeirra sem söfnuðu mestum áheitum.

Sá einstaklingur sem safnaði mestu var Viktor Snær Sigurðsson en hann hljóp líkt og síðustu tvö ár fyrir systur sína og AHC samtökin. Hann safnaði rúmri 1,6 milljón króna en aldrei áður hefur einstaklingur safnað jafn miklu í áheitasöfnuninni. Þá safnaði Bjarný Þorvarðardóttir 1,3 milljónum króna til handa Mænuskaðastofnun Íslands. Að lokum fékk Ína Ólöf Sigurðardóttir viðurkenningu fyrir að hafa safnað 1,2 milljónum króna og einnig fyrir að hafa fengið flest áheit eða 322 talsins. Ína hljóp fyrir Kraft, stuðningsfélag fyrir ungt fólk sem greinst hefur með krabbamein og aðstandendur, og tileinkaði Árna Sigurðssyni, eiginmanni sínum, hlaupið sem barist hefur við heilaæxli síðustu 2 ár.

Árni hélt einnig ræðu þar sem hann fór yfir sögu sína og lýsti því hvaða áhrif veikindin hafa haft á líf hans og fjölskyldunnar. Hann þakkaði fjölskyldu og vinum fyrir stuðninginn en þau tóku sig saman og mynduðu heilt hlaupalið sem hljóp undir kjörorðunum Áfram Árni – Við berjumst með þér. Ræða Árna lét engan ósnortinn en hann hefur tekist á við erfið veikindi með húmorinn að vopni.

Að lokum fór Stefán Eiríksson, lögreglustjóri og stjórnarmaður í Krabbameinsfélagi Íslands, nokkrum orðum um félagið og söfnunina í Reykjavíkurmaraþoni Íslandsbanka. Krabbameinsfélagið hefur hvatt þá hlaupara sem hlaupa fyrir félagið dyggilega og hefur það skilað sér í áheitasöfnuninni. Stefán talaði einnig um þá miklu stemmingu sem myndast jafnan á deginum sjálfum, bæði meðal hlaupara og þeirra sem hvetja þá áfram.

Í áheitaskýrslu Reykjavíkurmaraþonsins kemur fram að Kraftur fékk mestu áheitin eða rúma 3,1 milljón króna, Krabbameinsfélagið fékk tæpar 3 milljónir og Styrktarfélag krabbameinssjúkra barna tæpar 2,3 milljónir króna. Áheitaskýrslan er nú aðgengileg á vefnum.

Myndabanki

Nýjustu fréttir

Íslandsbanki gefur út skuldabréf fyrir 300 milljónir evra og tilkynnir um endurkaup á hluta af eldra skuldabréfi

04.04.2019 - Kauphöll
Íslandsbanki hefur í dag gefið út skuldabréf að fjárhæð 300 milljónir evra (um 40 milljarðar íslenskra króna) til 3 ára. Bréfið ber 1,125% fasta vexti...Nánar

Aðalfundur Íslandsbanka 2019 - dagskrá, aðilar í framboði og tillögur

19.03.2019
Aðalfundur Íslandsbanka verður haldinn fimmtudaginn 21. mars 2019, kl. 15:00 í höfuðstöðvum bankans á 9. hæð Norðurturns að Hagasmára 3, 201 Kópavogi...Nánar

Íslandsbanki með átta tilnefningar til Lúðursins

28.02.2019
Íslandsbanki er með átta tilnefningar til Lúðurins ásamt því að vera tilnefndur til ÁrunnarNánar

Aðalfundur Íslandsbanka

25.02.2019
Aðalfundur Íslandsbanka verður haldinn fimmtudaginn 21. mars 2019.Nánar

Sparað fyrir barneignum

20.02.2019
Tekjutap aðila með meðaltekjur í 6 mánaða fæðingarorlofi nemur um 640.000 krónum. Við þetta bætast 400.000 krónur í töpuðum séreignarsparnaði. Ástæðan...Nánar

Íslandsbanki hefur gefið út ársskýrslu og áhættuskýrslu (Pillar 3) fyrir árið 2018

13.02.2019 - Kauphöll
Íslandsbanki hefur gefið út ársskýrslu og áhættuskýrslu fyrir árið 2018. Nánar

Ársuppgjör 2018

13.02.2019 - Kauphöll
Afkoma bankans og Íslandssjóða var ágæt á árinu og skilaði samstæðan hagnaði upp á 10,6 ma. kr. en erfiður rekstur annarra dótturfélaga dró heldur úr...Nánar
Netspjall