Afkoma Íslandsbanka 2012

28.02.2013 - Kauphöll

Yfirlit yfir helstu niðurstöður:

  • Afkoma bankans eftir skatta var jákvæð um 23,4 milljarða árið 2012 samanborið við 1,9 milljarða árið 2011 en þar gætti áhrifa vegna virðisrýrnunar á viðskiptavild í kjölfar yfirtöku Byrs sem olli einskiptiskostnaði uppá 17,9 milljarða króna.
  • Hagnaður eftir skatta á fjórða ársfjórðungi var 7,2 milljarðar samanborið við 9,5 milljarða tap á fjórða ársfjórðungi 2011.
  • Hagnaður ársins eftir skatta af reglulegri starfsemi var 15,7 milljarðar, samanborið við 13,9 milljarða árið 2011. 
  • Arðsemi eigin fjár eftir skatta var 17,2%, samanborið við 1,5% árið 2011. Arðsemi eigin fjár af reglulegri starfsemi var 11,6%, samanborið við 11,0% árið 2011.
  • Skattar og gjöld greidd ríkisstofnunum voru 9,3 milljarðar á árinu, samanborið við 2,0 milljarða á árið 2011.
  • Heildareignir við árslok námu 823 milljörðum, samanborið við 796 milljarða í árslok 2011.
  • Vaxtamunur var 3,9% á árinu, samanborið við 4,5% árið 2011.
  • Frá stofnun bankans hafa um 20.900 einstaklingar og um 3.660 fyrirtæki fengið afskriftir, eftirgjafir eða leiðréttingar á skuldum sem nema um 463 milljörðum króna.  
  • Nettó tekjufærsla vegna endurmats lánasafnsins var 6,5 milljarðar árið 2012, samanborið við 1,3 milljarða gjaldfærslu á sama tímabili fyrir árið 2011.
  • Heildarinnlán við árslok námu 509 milljörðum, samanborið við 526 milljarða í árslok 2011.
  • Eigið fé nam 148 milljörðum í árslok, sem er hækkun um 19,4% frá árslokum 2011. 
  • Fjárhagsstaða Íslandsbanka er traust. Eiginfjárhlutfall var 25,5% í árslok 2012 samanborið við 22,6% í árslok 2011. 
  • Nánari upplýsingar um afkomu bankans má finna í ítarlegri afkomutilkynningu hér að neðan.

Birna Einarsdóttir, bankastjóri Íslandsbanka:

„Þá er fyrsta rekstrarári sameinaðs banka lokið. Þess mun ávallt verða minnst í sögu bankans sem ársins þegar samruna Íslandsbanka og Byrs lauk. Sameiningin jók markaðshlutdeild bankans verulega og lagði drög að tekju- og samlegðarárhrifum til framtíðar. Uppgjörið ber þess glögglega merki að  grunnrekstur bankans heldur áfram að styrkjast, en yfir 75% af rekstrartekjum bankans koma frá vaxta- og þóknanatekjum.

Við náðum mikilvægum áföngum í enduruppbyggingu íslensks fjármálamarkaðar á árinu. Íslandsbanki var leiðandi í þeirri vinnu bæði með áframhaldandi útgáfu sértryggðra skuldabréfa og umsjón með skráningu hlutabréfa Eimskipa og Vodafone í kauphöll. Enn fremur markaði skuldabréfaútboð bankans fyrir hönd Eikar fasteignafélags ákveðin tímamót í fyrirtækjafjármögnun. Útboðið var það stærsta sem einkaaðili hefur ráðist í frá því á árinu 2008. Framundan eru fleiri stór verkefni á þessu sviði sem munu varða veginn til frekari endurreisnar fjármálamarkaðarins.

Við höfum náð miklum árangri við fjárhagslega endurskipulagningu. Stórum málum lauk á árinu og brátt sér fyrir endann á endurútreikningi ólöglegra gengistryggðra lána. Íslandsbanki féll frá þremur dómsmálum á árinu til að flýta endurútreikningi og endurreiknar nú 15.000 lán. Hlutfall lána í endurskipulagningu hefur því lækkað umtalsvert eða úr 22.6% í 13.7%. Jákvæðir úrskurðir ESA varðandi þær aðgerðir sem gripið var til 2008 hafa einnig dregið úr óvissu í rekstri bankans. Þessi atriði ásamt meira lífi á fjármálamarkaði gefur til að kynna að það séu að verða þáttaskil í rekstri bankans og starfsumhverfi okkar.”

Síðar í dag munu Birna Einarsdóttir, bankastjóri Íslandsbanka, og Jón Guðni Ómarsson, fjármálastjóri, kynna afkomu bankans á opnum fjárfestafundi og svara fyrirspurnum. Fundurinn hefst kl. 16.00 og fer fram á íslensku. Nauðsynlegt að gestir skrái sig á afkomukynninguna með tölvupósti til:ir@islandsbanki.is

Hægt verður að nálgast fundargögn frá kynningunni á www.islandsbanki.is/fjarfestatengsl.

Nánari upplýsingar

Nýjustu fréttir

Íslandsbanki gefur út skuldabréf fyrir 300 milljónir evra og tilkynnir um endurkaup á hluta af eldra skuldabréfi

04.04.2019 - Kauphöll
Íslandsbanki hefur í dag gefið út skuldabréf að fjárhæð 300 milljónir evra (um 40 milljarðar íslenskra króna) til 3 ára. Bréfið ber 1,125% fasta vexti...Nánar

Aðalfundur Íslandsbanka 2019 - dagskrá, aðilar í framboði og tillögur

19.03.2019
Aðalfundur Íslandsbanka verður haldinn fimmtudaginn 21. mars 2019, kl. 15:00 í höfuðstöðvum bankans á 9. hæð Norðurturns að Hagasmára 3, 201 Kópavogi...Nánar

Íslandsbanki með átta tilnefningar til Lúðursins

28.02.2019
Íslandsbanki er með átta tilnefningar til Lúðurins ásamt því að vera tilnefndur til ÁrunnarNánar

Aðalfundur Íslandsbanka

25.02.2019
Aðalfundur Íslandsbanka verður haldinn fimmtudaginn 21. mars 2019.Nánar

Sparað fyrir barneignum

20.02.2019
Tekjutap aðila með meðaltekjur í 6 mánaða fæðingarorlofi nemur um 640.000 krónum. Við þetta bætast 400.000 krónur í töpuðum séreignarsparnaði. Ástæðan...Nánar

Íslandsbanki hefur gefið út ársskýrslu og áhættuskýrslu (Pillar 3) fyrir árið 2018

13.02.2019 - Kauphöll
Íslandsbanki hefur gefið út ársskýrslu og áhættuskýrslu fyrir árið 2018. Nánar

Ársuppgjör 2018

13.02.2019 - Kauphöll
Afkoma bankans og Íslandssjóða var ágæt á árinu og skilaði samstæðan hagnaði upp á 10,6 ma. kr. en erfiður rekstur annarra dótturfélaga dró heldur úr...Nánar
Netspjall