Vilborg Arna hvetur unga fólkið til að setja markmið

04.04.2013

Íslandsbanki og Vilborg Arna Gissurardóttir, pólfari, hafa skrifað undir samstarfssamning. Vilborg Arna mun halda fyrirlestraröð fyrir unga viðskiptavini bankans á aldrinum 14 til 20 ára. Á fyrirlestrunum mun hún fjalla um markmiðasetningu og leiðir til að vinna að settum markmiðum. Þá segir hún einnig frá sögu sinni á einstaklega hrífandi og skemmtilegan hátt.

Vilborg Arna er fyrsta íslenska konan til að fara í skíðaleiðangur á Suðurpólinn og fyrsti Íslendingurinn til að ganga þar eins síns liðs. Hún hóf göngu sína þann 19. nóvember sl. og komst á pólinn 60 dögum síðar. Um 10 ár liðu frá því að Vilborg Arna setti sér þetta markmið þar til það varð að veruleika. Á þeim tíma vann hún meðvitað og ómeðvitað að undirbúningi leiðangursins.

Skráningar eru á www.islandsbanki.is/fyrirlestur en viðskiptavinir Íslandsbanka geta tekið einn vin með á fyrirlesturinn.

Vilborg Arna Gissurardóttir, pólfari:
„Markmiðasetning er góð leið til að láta drauma sína rætast og ná lengra í lífinu. Það er gott að brjóta stór markmið niður í minni verkefni. Ef maður missir aldrei sjónar af stóra markmiðinu og fagnar litlum sigrum þá kemur að því að maður nær því sem lagt var upp með. Þetta er sá boðskapur sem ég mun færa unga fólkinu okkar á fyrirlestrum Íslandsbanka.“

Birna Einarsdóttir, bankastjóri Íslandsbanka:
„Vilborg Arna heillaði 800 starfsmenn Íslandsbanka sem voru samankomnir á árlegum stefnufundi bankans með fyrirlestri sínum. Fyrirlesturinn fyllti alla sem á hann hlýddu eldmóði og löngun til að setja sér markmið til framtíðar. Saga Vilborgar Örnu á erindi við alla og það er okkur sönn ánægja að geta boðið ungum viðskiptavinum að hlýða á hana og um leið vonandi hvetja þau áfram til hámarka árangur sinn.“

Sjá myndband frá fyrirlestrinum inn á Íslandsbanki sjónvarp

Myndabanki

Nýjustu fréttir

Íslandsbanki gefur út skuldabréf fyrir 300 milljónir evra og tilkynnir um endurkaup á hluta af eldra skuldabréfi

04.04.2019 - Kauphöll
Íslandsbanki hefur í dag gefið út skuldabréf að fjárhæð 300 milljónir evra (um 40 milljarðar íslenskra króna) til 3 ára. Bréfið ber 1,125% fasta vexti...Nánar

Aðalfundur Íslandsbanka 2019 - dagskrá, aðilar í framboði og tillögur

19.03.2019
Aðalfundur Íslandsbanka verður haldinn fimmtudaginn 21. mars 2019, kl. 15:00 í höfuðstöðvum bankans á 9. hæð Norðurturns að Hagasmára 3, 201 Kópavogi...Nánar

Íslandsbanki með átta tilnefningar til Lúðursins

28.02.2019
Íslandsbanki er með átta tilnefningar til Lúðurins ásamt því að vera tilnefndur til ÁrunnarNánar

Aðalfundur Íslandsbanka

25.02.2019
Aðalfundur Íslandsbanka verður haldinn fimmtudaginn 21. mars 2019.Nánar

Sparað fyrir barneignum

20.02.2019
Tekjutap aðila með meðaltekjur í 6 mánaða fæðingarorlofi nemur um 640.000 krónum. Við þetta bætast 400.000 krónur í töpuðum séreignarsparnaði. Ástæðan...Nánar

Íslandsbanki hefur gefið út ársskýrslu og áhættuskýrslu (Pillar 3) fyrir árið 2018

13.02.2019 - Kauphöll
Íslandsbanki hefur gefið út ársskýrslu og áhættuskýrslu fyrir árið 2018. Nánar

Ársuppgjör 2018

13.02.2019 - Kauphöll
Afkoma bankans og Íslandssjóða var ágæt á árinu og skilaði samstæðan hagnaði upp á 10,6 ma. kr. en erfiður rekstur annarra dótturfélaga dró heldur úr...Nánar
Netspjall