Hlutafjárútboð í Tryggingamiðstöðinni hf.

22.04.2013

Hlutafjárútboð í Tryggingamiðstöðinni hf. (TM) fer fram dagana 22., 23. og 24. apríl 2013. Í útboðinu hyggjast Stoðir hf. selja 218.550.000 áður útgefna hluti í TM, sem samsvarar 28,7% af útgefnum hlutum í TM. Allir hlutir í útboðinu verða seldir á sama útboðsgengi sem liggja mun á verðbilinu 17,75-20,10 krónur á hvern hlut í TM. Söluandvirði útboðsins getur numið á bilinu 3,9-4,4 milljarðar króna. Markaðsvirði alls hlutafjár í TM miðað við fyrrgreint verðbil er á bilinu 13,5-15,3 milljarðar króna.

Sótt hefur verið um töku allra hlutabréfa í TM (760.393.888 hlutir) til viðskipta á Aðalmarkaði NASDAQ OMX Iceland hf. (Kauphöllin). 

Útboðið er markaðssett á Íslandi. Skilyrði fyrir þátttöku í útboðinu eru að þátttakendur hafi íslenska kennitölu og séu fjárráða. Ein áskrift er heimil fyrir hverja kennitölu í útboðinu með undantekningu er varðar áskriftir einstaklinga sem gerðar eru fyrir milligöngu fjármálastofnana sem sinna eignastýringu. Þátttaka í útboðinu er skuldbindandi fyrir fjárfesta.

Útboðið er tvískipt og skiptist í tilboðsbók og áskriftarhluta.

1. Tilboðsbók – áskriftir að lágmarki 50 milljónir króna að kaupverði

Í tilboðsbók eru til sölu 145.700.000 hlutir eða sem nemur 19,2% af útgefnum hlutum í TM. Í tilboðsbók skila fjárfestar áskrift sinni til umsjónar- og söluaðila á áskriftartímabilinu á sérstöku áskriftarformi sem nálgast má hjá Fyrirtækjaráðgjöf Landsbankans og Fyrirtækjaráðgjöf Íslandsbanka. Fjárfestum er heimilt að skipta heildaráskrift sinni í minni undirtilboð á mismunandi verði. Fyrirtækjaráðgjöf Landsbankans tekur við áskriftareyðublöðum fyrir hönd umsjónar- og söluaðila.

2. Áskriftahluti – áskriftir á bilinu 100.000-49.999.999 krónur að kaupverði

Í áskriftarhluta eru til sölu 72.850.000 hlutir eða sem nemur 9,6% af útgefnum hlutum í TM. Fjárfestar skrá áskriftir sínar á áskriftarvef Landsbankans, sem opinn verður á áskriftartímabilinu, www.landsbankinn.is/tmutbod. Fjárfestar skrá kennitölu sína og lykilorð sem þeir panta á áskriftarvefnum og fá sent sem rafrænt skjal í netbanka sinn. Til að skrá áskriftir sínar verða fjárfestar að hafa aðgang að netbanka, sem getur verið hvaða íslenski viðskiptabanki sem er sem býður upp á netbanka.

Fjárfestar geta skilyrt áskrift sína við það að útboðsgengi fari ekki umfram ákveðið hámarksverð á hlut. Ef fjárfestir tilgreinir ekkert hámarksverð í áskrift sinni skoðast áskriftin sem gerð á útboðsgengi.

TM hefur birt lýsingu sem dagsett er 11. apríl 2013. Fjárfestar eru hvattir til þess að kynna sér allar upplýsingar sem þar er að finna áður en þeir taka ákvörðun um fjárfestingu í hlutabréfum í TM. Lýsinguna, sem og aðrar upplýsingar sem birtar hafa verið um útboðið má nálgast á vefsíðu TM en þar verður hægt að nálgast upplýsingarnar næstu 12 mánuði. Útprentuð eintök má nálgast í höfuðstöðvum TM að Síðumúla 24 í Reykjavík.

Hægt er að nálgast upptöku af fundi VÍB um skráningu TM á heimasíðu VÍB, http://vib.is. Hægt er að nálgast ráðgjafa VÍB í síma 440-4900, tölvupóstur: vib@vib.is.

Verðbréfa- og lífeyrisráðgjöf Landsbankans mun veita upplýsingar um áskriftarhluta útboðsins og tæknilegar upplýsingar er varða áskriftarvefinn fyrir hönd umsjónar- og söluaðila í síma 410-4040, tölvupóstur: fjarmalaradgjof@landsbankinn.is, á milli kl. 9:00 og 20:00 dagana 22. og 23. apríl og til loka áskriftartímabilsins, klukkan 16:00 þann 24. apríl 2013.

Lýsing Tryggingamiðstöðvarinnar hf., dagsett 11. apríl 2013

Nýjustu fréttir

Íslandsbanki gefur út skuldabréf fyrir 300 milljónir evra og tilkynnir um endurkaup á hluta af eldra skuldabréfi

04.04.2019 - Kauphöll
Íslandsbanki hefur í dag gefið út skuldabréf að fjárhæð 300 milljónir evra (um 40 milljarðar íslenskra króna) til 3 ára. Bréfið ber 1,125% fasta vexti...Nánar

Aðalfundur Íslandsbanka 2019 - dagskrá, aðilar í framboði og tillögur

19.03.2019
Aðalfundur Íslandsbanka verður haldinn fimmtudaginn 21. mars 2019, kl. 15:00 í höfuðstöðvum bankans á 9. hæð Norðurturns að Hagasmára 3, 201 Kópavogi...Nánar

Íslandsbanki með átta tilnefningar til Lúðursins

28.02.2019
Íslandsbanki er með átta tilnefningar til Lúðurins ásamt því að vera tilnefndur til ÁrunnarNánar

Aðalfundur Íslandsbanka

25.02.2019
Aðalfundur Íslandsbanka verður haldinn fimmtudaginn 21. mars 2019.Nánar

Sparað fyrir barneignum

20.02.2019
Tekjutap aðila með meðaltekjur í 6 mánaða fæðingarorlofi nemur um 640.000 krónum. Við þetta bætast 400.000 krónur í töpuðum séreignarsparnaði. Ástæðan...Nánar

Íslandsbanki hefur gefið út ársskýrslu og áhættuskýrslu (Pillar 3) fyrir árið 2018

13.02.2019 - Kauphöll
Íslandsbanki hefur gefið út ársskýrslu og áhættuskýrslu fyrir árið 2018. Nánar

Ársuppgjör 2018

13.02.2019 - Kauphöll
Afkoma bankans og Íslandssjóða var ágæt á árinu og skilaði samstæðan hagnaði upp á 10,6 ma. kr. en erfiður rekstur annarra dótturfélaga dró heldur úr...Nánar
Netspjall