Íslandsbanki gefur út nýja skýrslu um sjávarútveg í norður Atlantshafi

23.04.2013

Íslandsbanki gefur út nýja skýrslu um sjávarútveg í norður Atlantshafi á sjávarútvegssýningunni í Brussel sem fer fram dagana 23. – 25. apríl næstkomandi. Skýrslunni verður dreift á sýningunni, auk þess sem hún verður aðgengileg á heimasíðu Íslandsbanka. Skýrslan er unnin af sjávarútvegsteymi Íslandsbanka.

Noregur stærsta fiskveiðiþjóðin
Í skýrslunni er farið yfir sjávarútveg í norður Atlantshafi með sérstaka áherslu á Ísland, Noreg, Færeyjar, Grænland, Kanada og Bandaríkin. Meðal þess sem fjallað er um í skýrslunni eru veiðar á svæðinu, útflutningur sjávarafurða, veiðar og helstu fiskitegundir hvers lands fyrir sig og að lokum er fjallað um fiskeldi þjóðanna sex.

Fiskveiðar í norður Atlantshafi eru um 11% af heildar fiskveiðum í heiminum. Norðmenn eru stærsta fiskveiðiþjóðin og landa yfir 23% af heildar afla á svæðinu. Heildarafli árið 2011 var 10,3 milljónir tonna og dróst saman um 7,2% frá fyrra ári. Atlantshafs síldin er mest veidda tegundin, en þorskur og markíll koma þar á eftir. Lax er verðmætasta útflutningstegundin og því næst kemur þorskur.

Tækifæri í fiskeldi
Fiskeldi er mikilvægur þáttur í hagkerfi þjóða í norður atlantshafi. Norðmenn framleiða yfir 80% af þeim fiski sem kemur úr fiskeldi í norður Atlantshafi. Það samsvarar um 1.1 milljón tonna og er laxeldi þar stærsti hlutinn. Eldisfiskur var 41,3% af heildar framboði fisks í heiminum árið 2011 og jókst um 6,2% frá árinu 2010. Matvæla- og landbúnaðarstofnun Sameinuðu þjóðanna (FAO) og Efnahags- og framfarastofnunin (OECD) spá því að árið 2018 muni heildarframboð eldisfisks til manneldis verða meira en framboð af veiddum fiski. Þessi mikli vöxtur fiskeldis mun án efa teygja anga sína í norður Atlantshaf og valda því að aukin áhersla verður lögð á eldi.

Athyglisvert er að allar þjóðirnar, sem fjallað er um í skýrslu Íslandsbanka, hafa einhverskonar kvótakerfi á veiðunum en útfærsla kerfisins er mismunandi milli landa, t.d. hvað varðar heimild til framsals kvóta og hvort sett er hámark á aflaheimildir ákveðinna fisktegunda.

Sjávarútvegsteymi Íslandsbanka
Hjá Íslandsbanka starfar hópur sérfræðinga með mikla þekkingu á sjávarútvegi. Hópurinn er hluti af fyrirtækjasviði og er ábyrgur fyrir samskiptum og þjónustu við innlend og erlend sjávarútvegsfyrirtæki, ásamt útgáfu greiningarefnis um sjávarútveg víða um heim.

Hægt er að nálgast skýrsluna um sjávarútveg í norður Atlantshafi á heimasíðu Íslandsbanka. Þar er einnig hægt að finna áður útgefnar skýrslur.

Nýjustu fréttir

Íslandsbanki gefur út skuldabréf fyrir 300 milljónir evra og tilkynnir um endurkaup á hluta af eldra skuldabréfi

04.04.2019 - Kauphöll
Íslandsbanki hefur í dag gefið út skuldabréf að fjárhæð 300 milljónir evra (um 40 milljarðar íslenskra króna) til 3 ára. Bréfið ber 1,125% fasta vexti...Nánar

Aðalfundur Íslandsbanka 2019 - dagskrá, aðilar í framboði og tillögur

19.03.2019
Aðalfundur Íslandsbanka verður haldinn fimmtudaginn 21. mars 2019, kl. 15:00 í höfuðstöðvum bankans á 9. hæð Norðurturns að Hagasmára 3, 201 Kópavogi...Nánar

Íslandsbanki með átta tilnefningar til Lúðursins

28.02.2019
Íslandsbanki er með átta tilnefningar til Lúðurins ásamt því að vera tilnefndur til ÁrunnarNánar

Aðalfundur Íslandsbanka

25.02.2019
Aðalfundur Íslandsbanka verður haldinn fimmtudaginn 21. mars 2019.Nánar

Sparað fyrir barneignum

20.02.2019
Tekjutap aðila með meðaltekjur í 6 mánaða fæðingarorlofi nemur um 640.000 krónum. Við þetta bætast 400.000 krónur í töpuðum séreignarsparnaði. Ástæðan...Nánar

Íslandsbanki hefur gefið út ársskýrslu og áhættuskýrslu (Pillar 3) fyrir árið 2018

13.02.2019 - Kauphöll
Íslandsbanki hefur gefið út ársskýrslu og áhættuskýrslu fyrir árið 2018. Nánar

Ársuppgjör 2018

13.02.2019 - Kauphöll
Afkoma bankans og Íslandssjóða var ágæt á árinu og skilaði samstæðan hagnaði upp á 10,6 ma. kr. en erfiður rekstur annarra dótturfélaga dró heldur úr...Nánar
Netspjall