MIA sigrar frumkvöðlakeppni Íslandsbanka, FKA og Opna háskólans í Reykjavík

30.04.2013

MIA sigraði frumkvöðlakeppni kvenna sem Íslandsbanki, Félag kvenna í atvinnulífinu og Opni háskólinn í Reykjavík stóðu fyrir. Bylgja Bára Bragadóttir og Álfheiður Eva Óladóttir standa að baki hugmyndinni sem felst í framleiðslu á fljótandi sápum og froðusápum.


Þetta er í annað sinn sem frumkvöðlakeppnin er haldin en lista- og hönnunarstúdíóið Volki bar þá sigur úr býtum. Námskeið í gerð viðskiptaáætlana hófst í janúar og niðurgreiddi Íslandsbanki námskeiðagjaldið um helming. Alls sóttu 70 konur með 55 viðskiptahugmyndir um að sitja námskeiðið en 35 sæti voru í boði. Út úr námskeiðinu komu 26 viðskiptaáætlanir sem dómnefnd fór yfir. Fimm áætlanir voru valdar til að taka þátt í frumkvöðlasamkeppninni þar sem konurnar fengu ráðgjöf til að þróa áætlunina enn frekar. Dómnefndina skipuðu þau Guðmundur Ingi Jónsson, fjárfestir og stjórnarformaður GreenQloud, Hulda Bjarnadóttir, framkvæmdastjóri FKA og Þóranna Jónsdóttir, deildarforseti Viðskiptadeildar Háskólans í Reykjavík.

Verðlaunin voru afhend í útibúi Íslandsbanka á Kirkjusandi nú síðdegis en vinningshafinn hlaut tveggja milljóna króna styrk frá Íslandsbanka. Í rökstuðningi dómnefndar kom fram að MIA hafi verið með vel útfærða viðskiptahugmynd sem var fagmannlega framsett og kynnt. Greiningarvinna hafi verið góð og viðskiptáætlunin því raunhæf í alla staði. Bylgja Bára og Álfheiður Eva hafa sýnt mikið frumkvæði og þróað íslenska afurð sem hefur alla burði til að taka þátt í samkeppni á alþjóðamarkaði.

Myndabanki

Nýjustu fréttir

Íslandsbanki gefur út skuldabréf fyrir 300 milljónir evra og tilkynnir um endurkaup á hluta af eldra skuldabréfi

04.04.2019 - Kauphöll
Íslandsbanki hefur í dag gefið út skuldabréf að fjárhæð 300 milljónir evra (um 40 milljarðar íslenskra króna) til 3 ára. Bréfið ber 1,125% fasta vexti...Nánar

Aðalfundur Íslandsbanka 2019 - dagskrá, aðilar í framboði og tillögur

19.03.2019
Aðalfundur Íslandsbanka verður haldinn fimmtudaginn 21. mars 2019, kl. 15:00 í höfuðstöðvum bankans á 9. hæð Norðurturns að Hagasmára 3, 201 Kópavogi...Nánar

Íslandsbanki með átta tilnefningar til Lúðursins

28.02.2019
Íslandsbanki er með átta tilnefningar til Lúðurins ásamt því að vera tilnefndur til ÁrunnarNánar

Aðalfundur Íslandsbanka

25.02.2019
Aðalfundur Íslandsbanka verður haldinn fimmtudaginn 21. mars 2019.Nánar

Sparað fyrir barneignum

20.02.2019
Tekjutap aðila með meðaltekjur í 6 mánaða fæðingarorlofi nemur um 640.000 krónum. Við þetta bætast 400.000 krónur í töpuðum séreignarsparnaði. Ástæðan...Nánar

Íslandsbanki hefur gefið út ársskýrslu og áhættuskýrslu (Pillar 3) fyrir árið 2018

13.02.2019 - Kauphöll
Íslandsbanki hefur gefið út ársskýrslu og áhættuskýrslu fyrir árið 2018. Nánar

Ársuppgjör 2018

13.02.2019 - Kauphöll
Afkoma bankans og Íslandssjóða var ágæt á árinu og skilaði samstæðan hagnaði upp á 10,6 ma. kr. en erfiður rekstur annarra dótturfélaga dró heldur úr...Nánar
Netspjall