Íslandsbanki veitir ferðaþjónustufyrirtækjum hvatningarverðlaun

21.05.2013

Íslandsbanki veitti um helgina þremur ferðaþjónustufyrirtækjum Hvatningarverðlaun Íslandsbanka. Þetta er í fyrsta sinn sem Íslandsbanki veitir þessi verðlaun en þau eru afhent samhliða ferðakaupstefnu Iceland Trawel Workshop (ITW) sem nú stendur yfir. Það er ráðgjafa- og þjónustufyrirtækið IcelandReps sem heldur utan um ferðakaupstefnuna í samstarfi við Íslandsbanka, Keflavíkurflugvöll, Radisson Blu Hótel Sögu og Opna háskólans.

Verðlaunin eru veitt fyrirtækjum í ferðaþjónustu og er þeim ætlað að vera hvatning til að efla og stuðla að nýsköpun og uppbyggingu hjá íslenskum ferðaþjónustufyrirtækjum. Það er Íslandsbanka mikilvægt að styðja við þennan mikilvæga og ört vaxandi iðnað.

Þrír aðilar með víðtæka reynslu og þekkingu á íslenskri ferðaþjónustu skipuðu dómnefnd sem valdi þau fyrirtæki sem hlutu verðlaunin. Formaður dómnefndar er Kristín Hrönn Guðmundsdóttir,viðskiptastjóri hjá Íslandsbanka, og eiga Þóra Guðmundsdóttir, eigandi og stofnandi IcelandReps, og Ólöf Ýrr Atladóttir, ferðamálastjóri, einnig sæti í dómnefnd.

Hvatning til uppbyggingar og nýsköpunar

Töluvert af umsóknum bárust og greinilegt að mikil gróska er í íslenskri ferðaþjónustu. Valin voru þrjú fyrirtæki sem fengu að launum verðlaunagrip frá IcelandReps og peningaverðlaun frá Íslandsbanka sem mun nýtast þeim í áframhaldandi uppbyggingu og nýsköpun.

Fyrirtækið sem hafnaði í fyrsta sæti heitir ARCANUM. Það sérhæfir sig í ferðum upp á Mýrdalsjökul og inn á hálendið á vélsleðum og jeppum. Fyrirtækið bætti nýlega við jöklagöngu og ísklifri en þær ferðir fara fram á Sólheimajökli. Heimasíða fyrirtækis er www.arcanum.is.

Í öðru sæti var PINK ICELAND sem eru ferðaskipuleggjendur sem sérhæfa sig í að þjónusta samkynhneigða ferðalanga sem vilja koma til Íslands. Fyrirtækið hefur náð að nýta umburðarlyndi Íslands gagnvart samkynhneigðum einstaklingum og sterka réttarstöðu þeirra til frekari uppbyggingar í íslenskri ferðaþjónustu. Heimasíða fyrirtækisins er www.pinkiceland.is.

Í þriðja sæti var Selasigling á Hvammstanga sem býður upp á sela- og náttúruskoðun, sjóstangveiði og miðnætursiglingu í Húnaþingi Vestra. Ferðaþjónusta þar er í mikill sókn. Selurinn er þeirra séreinkenni og hefur svo verið um áraraðir. Nú stendur yfir kynningarátakið Á selaslóðum, sem er samstarfsverkefni fyrirtækja á svæðinu og er Selaskoðun hluti af því verkefni. Heimasíða fyrirtækisins er www.sealwatching.is.

Íslandsbanki óskar verðlaunahöfum innilega til hamingju og áframhaldandi velgengni í þeim verkefnum sem framundan eru.

Nýjustu fréttir

Íslandsbanki gefur út skuldabréf fyrir 300 milljónir evra og tilkynnir um endurkaup á hluta af eldra skuldabréfi

04.04.2019 - Kauphöll
Íslandsbanki hefur í dag gefið út skuldabréf að fjárhæð 300 milljónir evra (um 40 milljarðar íslenskra króna) til 3 ára. Bréfið ber 1,125% fasta vexti...Nánar

Aðalfundur Íslandsbanka 2019 - dagskrá, aðilar í framboði og tillögur

19.03.2019
Aðalfundur Íslandsbanka verður haldinn fimmtudaginn 21. mars 2019, kl. 15:00 í höfuðstöðvum bankans á 9. hæð Norðurturns að Hagasmára 3, 201 Kópavogi...Nánar

Íslandsbanki með átta tilnefningar til Lúðursins

28.02.2019
Íslandsbanki er með átta tilnefningar til Lúðurins ásamt því að vera tilnefndur til ÁrunnarNánar

Aðalfundur Íslandsbanka

25.02.2019
Aðalfundur Íslandsbanka verður haldinn fimmtudaginn 21. mars 2019.Nánar

Sparað fyrir barneignum

20.02.2019
Tekjutap aðila með meðaltekjur í 6 mánaða fæðingarorlofi nemur um 640.000 krónum. Við þetta bætast 400.000 krónur í töpuðum séreignarsparnaði. Ástæðan...Nánar

Íslandsbanki hefur gefið út ársskýrslu og áhættuskýrslu (Pillar 3) fyrir árið 2018

13.02.2019 - Kauphöll
Íslandsbanki hefur gefið út ársskýrslu og áhættuskýrslu fyrir árið 2018. Nánar

Ársuppgjör 2018

13.02.2019 - Kauphöll
Afkoma bankans og Íslandssjóða var ágæt á árinu og skilaði samstæðan hagnaði upp á 10,6 ma. kr. en erfiður rekstur annarra dótturfélaga dró heldur úr...Nánar
Netspjall