The Banker velur Íslandsbanka banka ársins

28.11.2014
The Banker, tímarit sem gefið er út af Financial Times og er eitt víðlesnasta fjármálatímarit í heimi, hefur valið Íslandsbanka sem banka ársins á Íslandi árið 2014. 

Í rökstuðningi fyrir valinu kom fram að Íslandsbanki hefði náð árangri í rekstri bankans með kostnaðaraðhaldi, aukningu tekna en um leið átt ánægðustu viðskiptavinina í bankakerfinu samkvæmt Ánægjuvoginni. Þá sé Íslandsbanki með afar sterkt eiginfjárhlutfall í alþjóðlegum samanburði. Að auki hafi bankinn náð að auka fjölbreytni í fjármögnun hans með árangursríkum hætti, t.a.m. með útgáfu erlendra skuldabréfa í sænskum krónum og evrum. Þá er Íslandsbanki stærsti útgefandi sértryggðra skuldabréfa á Íslandi auk þess sem hann var fyrstur íslenskra fjármálafyrirtækja frá haustinu 2008 til að gefa út víxla skráða í kauphöll Íslands. Einnig er tekið tillit til þess að Íslandsbanki hefur aukið markaðshlutdeild sína verulega á undanförnum árum, bæði í gegnum sameiningar við önnur fjármálafyrirtæki og ný viðskipti. 

Að lokum var horft til vöruþróunar bankans á bankamarkaði en áhersla hefur verið lögð á að bregðast við þörfum viðskiptavina. Dæmi um þetta eru t.a.m. fyrstukaupalán sem voru kynnt í haust en það eru fasteignalán á betri kjörum fyrir þá sem eru að kaupa sitt fyrsta húsnæði. Þá hefur Íslandsbanka Appið verið í stöðugri þróun með nýjum aðgerðum en um 45 þúsund notendur hafa nú hlaðið Appinu niður. 
 
Fyrr á árinu valdi hið virta fjármálatímarit Euromoney Íslandsbanka sem besta bankann og fjárfestingabankann hér á landi. Það sem réð úrslitum þar var einnig skýr markmiðasetning og frumkvæði í að auka fjölbreytni í fjármögnun bankans. 


Birna Einarsdóttir, bankastjóri Íslandsbanka: 
„Viðurkenningar frá The Banker og Euromoney fyrr á árinu staðfesta að við erum á réttri leið og eru um leið hvatning fyrir okkur að gera betur. Við höfum ávallt lagt áherslu á skýra markmiðasetningu og stefnumótun og fengið starfsfólk bankans með í þá vinnu. Á þessu ári  höfum við markað nýja stefnu sem byggir á því að efla og þróa þjónustu við viðskiptavini enn frekar og einfalda starfsemina í þágu viðskiptavina okkar.  Þá erum við staðráðin í að stunda ábyrga bankastarfsemi sem grundvallast á heilbrigðum viðskiptaháttum og traustum rekstri. Ég er stolt af þessari viðurkenningu sem er vitnisburður um frábært starf starfsfólks Íslandsbanka.“ 


Nýjustu fréttir

Íslandsbanki gefur út skuldabréf fyrir 300 milljónir evra og tilkynnir um endurkaup á hluta af eldra skuldabréfi

04.04.2019 - Kauphöll
Íslandsbanki hefur í dag gefið út skuldabréf að fjárhæð 300 milljónir evra (um 40 milljarðar íslenskra króna) til 3 ára. Bréfið ber 1,125% fasta vexti...Nánar

Aðalfundur Íslandsbanka 2019 - dagskrá, aðilar í framboði og tillögur

19.03.2019
Aðalfundur Íslandsbanka verður haldinn fimmtudaginn 21. mars 2019, kl. 15:00 í höfuðstöðvum bankans á 9. hæð Norðurturns að Hagasmára 3, 201 Kópavogi...Nánar

Íslandsbanki með átta tilnefningar til Lúðursins

28.02.2019
Íslandsbanki er með átta tilnefningar til Lúðurins ásamt því að vera tilnefndur til ÁrunnarNánar

Aðalfundur Íslandsbanka

25.02.2019
Aðalfundur Íslandsbanka verður haldinn fimmtudaginn 21. mars 2019.Nánar

Sparað fyrir barneignum

20.02.2019
Tekjutap aðila með meðaltekjur í 6 mánaða fæðingarorlofi nemur um 640.000 krónum. Við þetta bætast 400.000 krónur í töpuðum séreignarsparnaði. Ástæðan...Nánar

Íslandsbanki hefur gefið út ársskýrslu og áhættuskýrslu (Pillar 3) fyrir árið 2018

13.02.2019 - Kauphöll
Íslandsbanki hefur gefið út ársskýrslu og áhættuskýrslu fyrir árið 2018. Nánar

Ársuppgjör 2018

13.02.2019 - Kauphöll
Afkoma bankans og Íslandssjóða var ágæt á árinu og skilaði samstæðan hagnaði upp á 10,6 ma. kr. en erfiður rekstur annarra dótturfélaga dró heldur úr...Nánar
Netspjall