Íslandsbanki opnar útibú á Granda

11.05.2015

Íslandsbanki opnaði í dag nýtt útibú á Fiskislóð 10 á Granda en þar sameinast útibúin í Lækjargötu og Eiðistorgi. Markmið sameiningarinnar er að bjóða upp á öfluga fjármálamiðstöð í vesturhluta borgarinnar fyrir fyrirtæki og einstaklinga þar sem áhersla er lögð á ítarlega fjármálaráðgjöf. Rík áhersla er einnig lögð á fræðslu með skipulagðri fræðsludagskrá í útibúinu. Hönnun og virkni útibúsins tekur mið af breyttum áherslum í þjónustu sem snýst í auknum mæli um ráðgjöf og minna um einfaldari færslur sem viðskiptavinir geta framkvæmt  með öðrum dreifileiðum, t.a.m. í netbanka, appi og hraðbönkum. Hönnun útibúsins gefur  möguleika á að nýta það fyrir kynningar fyrirtækja og félagasamtaka og þannig vill útibúið tengjast nærsamfélagi sínu með áþreifanlegum hætti.

Sameinað útibú mun þjóna sama svæði og útibúin á Eiðistorgi og Lækjargötu hafa þjónustað hingað til. Við val á staðsetningu var litið til aðgengis viðskiptavina en útibúið liggur nálægt stórum umferðaræðum. Þá er aðgengið að nýja útibúinu til fyrirmyndar en þar eru næg bílastæði auk þess sem aðgengi er gott fyrir þá sem eru í hjólastólum. 


Starfsmenn munu sem fyrr kappkosta að veita persónulega og góða þjónustu og verða þar mörg kunnugleg andlit frá báðum útibúum. Gísli Elvar Halldórsson verður útibússtjóri og fer fyrir 23 starfsmönnum hins sameinaða útibús. 

Una Steinsdóttir, framkvæmdastjóri Viðskiptabankasviðs:
„Verslun og þjónusta miðbæjarins hefur verið að færast til vesturs með aukinni uppbyggingu atvinnulífs í vesturbænum. Hönnunin á nýju útibúi tekur mið af þeim krafti og nýbreytni sem einkennir svæðið á Granda. Við viljum vera þátttakendur í þeirri uppbyggingu og því var þessi staðsetning fyrir valinu. Útibúið er öflugt að stærð og eitt af stærri fyrirtækjaútibúum Íslandsbanka. Sameining útibúanna endurspeglar þá stefnu bankans að auka hagkvæmni en efla þjónustu um leið. Með nýju útibúi erum við að svara kalli viðskiptavina sem í auknum mæli kalla eftir sérhæfðri ráðgjöf en kjósa sjálfsafgreiðslu við einfaldari færslur.“

Myndabanki

Nýjustu fréttir

Íslandsbanki gefur út skuldabréf fyrir 300 milljónir evra og tilkynnir um endurkaup á hluta af eldra skuldabréfi

04.04.2019 - Kauphöll
Íslandsbanki hefur í dag gefið út skuldabréf að fjárhæð 300 milljónir evra (um 40 milljarðar íslenskra króna) til 3 ára. Bréfið ber 1,125% fasta vexti...Nánar

Aðalfundur Íslandsbanka 2019 - dagskrá, aðilar í framboði og tillögur

19.03.2019
Aðalfundur Íslandsbanka verður haldinn fimmtudaginn 21. mars 2019, kl. 15:00 í höfuðstöðvum bankans á 9. hæð Norðurturns að Hagasmára 3, 201 Kópavogi...Nánar

Íslandsbanki með átta tilnefningar til Lúðursins

28.02.2019
Íslandsbanki er með átta tilnefningar til Lúðurins ásamt því að vera tilnefndur til ÁrunnarNánar

Aðalfundur Íslandsbanka

25.02.2019
Aðalfundur Íslandsbanka verður haldinn fimmtudaginn 21. mars 2019.Nánar

Sparað fyrir barneignum

20.02.2019
Tekjutap aðila með meðaltekjur í 6 mánaða fæðingarorlofi nemur um 640.000 krónum. Við þetta bætast 400.000 krónur í töpuðum séreignarsparnaði. Ástæðan...Nánar

Íslandsbanki hefur gefið út ársskýrslu og áhættuskýrslu (Pillar 3) fyrir árið 2018

13.02.2019 - Kauphöll
Íslandsbanki hefur gefið út ársskýrslu og áhættuskýrslu fyrir árið 2018. Nánar

Ársuppgjör 2018

13.02.2019 - Kauphöll
Afkoma bankans og Íslandssjóða var ágæt á árinu og skilaði samstæðan hagnaði upp á 10,6 ma. kr. en erfiður rekstur annarra dótturfélaga dró heldur úr...Nánar
Netspjall