Íslandsbanki hf. : Afkoma fyrsta ársfjórðungs 2015

13.05.2015 - Kauphöll

Helstu niðurstöður

1F 2015

  • Hagnaður bankans eftir skatta var 5,4 ma. kr. á fyrsta ársfjórðungi 2015 samanborið við 8,3 ma. kr. á sama tímabili 2014 en þá voru tekjur af einskiptisliðum umfangsmeiri.
  • Arðsemi eigin fjár eftir skatta var 11,8% á fjórðungnum samanborið við 19,3% á sama tímabili 2014. 
  • Eiginfjárhlutfallið er sterkt, var 28,4% (2014: 29,6%) og eiginfjárhlutfall A (Tier 1) var 25,7% (2014: 26,5%).
  • Hreinar vaxtatekjur voru 6,2 ma. kr. á fyrsta ársfjórðungi 2015 (1F14 6,6 ma. kr.), sem er lækkun um 6,8%. Vaxtamunur var 2,7% á fjórðungnum (1F14: 3,0%).
  • Hreinar þóknanatekjur voru 2,9 ma. kr. (1F14: 2,9 ma. kr.). 
  • Stjórnunarkostnaður lækkaði um 1.5% eða raunlækkun um 2.6%. Kostnaðarhlutfall var 55,3% á fjórðungnum (1F14: 55,1%). Bankaskattur og einskiptiskostnaður er undanskilinn við útreikning kostnaðarhlutfalls. 
  • Vogunarhlutfall var 19,7% við lok tímabilsins, sem telst hóflegt í alþjóðlegum samanburði.
  • Hlutfall lána með varúðarafskrift og lána með vanskil umfram 90 daga var 3,0% (2014: 3,5%).
  • Heildareignir voru 926 ma. kr. (2014: 911ma. kr.). 

Birna Einarsdóttir, bankastjóri Íslandsbanka:

„Við erum ánægð með afkomu bankans á fyrsta ársfjórðungi sem var umfram væntingar okkar. Kostnaður heldur áfram að lækka enda mikilvægt að styrkja enn frekar arðsemi af reglulegri starfsemi. Góður árangur í rekstri bankans hefur skilað því að lánshæfismatsfyrirtækið Fitch Ratings mat bankann, fyrstan hér á landi frá árinu 2008, í fjárfestingarflokk með stöðugum horfum. Sú niðurstaða er til þess fallin að skila bankanum hagstæðari kjörum í komandi skuldabréfaútgáfum bankans. 

Íslensk fyrirtæki eru nú í auknum mæli að nýta sér áhættustýringarvörur til að lágmarka rekstraráhættu og skapa sér fyrirsjáanlegt fjárhagslegt umhverfi. Þetta sýnir sig í auknum vexti í sölu áhættustýringarvara hjá Mörkuðum, sem er enn eitt batamerkið á fjármálamarkaðinum. 

Aukning í nýjum húsnæðislánum var tæp 60% á fjórðungnum miðað við sama tímabil í fyrra. Við sjáum vaxandi eftirspurn eftir fyrstukaupalánum hjá viðskiptavinum sem eru að festa kaup á sinni fyrstu íbúð.

Þjónusta í útibúum hefur breyst nokkuð síðustu ár en viðskiptavinir leita í auknum mæli eftir ráðgjöf en framkvæma einfaldari færslur með öðrum dreifileiðum, svo sem netbanka og appi. Nýtt útibú sem opnað var í vikunni mætir þessum breyttu áherslum en þar voru útibúin í Lækjargötu og Eiðistorgi sameinuð í eitt útibú á Granda. Það er einnig í samræmi við áætlanir bankans um hagræðingu um leið og áhersla er lögð á að veita viðskiptavinum okkar framúrskarandi þjónustu sem tekur mið að þörfum þeirra.

Símafundur á ensku

Einnig er markaðsaðilum boðið upp á símafund kl. 13.00 á ensku. Farið verður yfir helstu atriði í íslenskum efnahagsmálum og afkomu bankans. Vinsamlegast skráið ykkur á símafundinn með að senda póst á ir@islandsbanki.is. Fundargögn og aðgangsorð vegna símafundar verða send út til skráðra aðila 2 tímum fyrir fundinn.

Öll gögn má nálgast á vef fjárfestatengsla, www.islandsbanki.is/fjarfestatengsl

Hér má sjá upptöku þar sem Jón Guðni Ómarsson, fjármálastjóra Íslandsbanka, segir frá því markverðasta í rekstri bankans á fyrsta ársfjórðungi.

Nánari upplýsingar

  • ÍSB - Condensed Consolidated Interim Financial Statements - 1Q2015
  • ÍSB - 1Q15 afkomutilkynning
  • ÍSB - 1Q15 fjárfestakynning
  •  

    Nýjustu fréttir

    Íslandsbanki gefur út skuldabréf fyrir 300 milljónir evra og tilkynnir um endurkaup á hluta af eldra skuldabréfi

    04.04.2019 - Kauphöll
    Íslandsbanki hefur í dag gefið út skuldabréf að fjárhæð 300 milljónir evra (um 40 milljarðar íslenskra króna) til 3 ára. Bréfið ber 1,125% fasta vexti...Nánar

    Aðalfundur Íslandsbanka 2019 - dagskrá, aðilar í framboði og tillögur

    19.03.2019
    Aðalfundur Íslandsbanka verður haldinn fimmtudaginn 21. mars 2019, kl. 15:00 í höfuðstöðvum bankans á 9. hæð Norðurturns að Hagasmára 3, 201 Kópavogi...Nánar

    Íslandsbanki með átta tilnefningar til Lúðursins

    28.02.2019
    Íslandsbanki er með átta tilnefningar til Lúðurins ásamt því að vera tilnefndur til ÁrunnarNánar

    Aðalfundur Íslandsbanka

    25.02.2019
    Aðalfundur Íslandsbanka verður haldinn fimmtudaginn 21. mars 2019.Nánar

    Sparað fyrir barneignum

    20.02.2019
    Tekjutap aðila með meðaltekjur í 6 mánaða fæðingarorlofi nemur um 640.000 krónum. Við þetta bætast 400.000 krónur í töpuðum séreignarsparnaði. Ástæðan...Nánar

    Íslandsbanki hefur gefið út ársskýrslu og áhættuskýrslu (Pillar 3) fyrir árið 2018

    13.02.2019 - Kauphöll
    Íslandsbanki hefur gefið út ársskýrslu og áhættuskýrslu fyrir árið 2018. Nánar

    Ársuppgjör 2018

    13.02.2019 - Kauphöll
    Afkoma bankans og Íslandssjóða var ágæt á árinu og skilaði samstæðan hagnaði upp á 10,6 ma. kr. en erfiður rekstur annarra dótturfélaga dró heldur úr...Nánar
    Netspjall