Frumkvöðlasjóður Íslandsbanka úthlutar 10 milljónum

24.06.2015
Sjö aðilar fengu í dag styrk úr Frumkvöðlasjóði Íslandsbanka. Sjóðurinn styrkir frumkvöðlaverkefni sem leggja áherslu á endurnýjanlega orku, sjálfbæran sjávarútveg og verndun hafsvæða. Stefna Íslandsbanka er að vera leiðandi á sviðum sjávarútvegs og endurnýjanlegrar orku og er Frumkvöðlasjóðurinn mikilvægur vettvangur til að styðja við nýsköpun í greinunum. 
Frumkvöðlasjóður Íslandsbanka var stofnaður árið 2008. Íslandsbanki leggur til 0,1% af vöxtum Vaxtasprota, sem er einn af sparnaðarreikningum bankans, til Frumkvöðlasjóðsins. Staða sjóðsins er afar sterk og úthlutar hann allt að 20 milljónum króna á ári. Samtals fengu 7 aðilar 10 milljóna króna styrk. Alls bárust 30 umsóknir í þetta sinn. 

Þeir aðilar sem hlutu styrk voru:

Optitog – Ljósveiðar 
Ætlunin er að framleiða og markaðssetja nýja kynslóð veiðarfæra sem eru hönnuð til að stuðla að sjálfbærni togveiða. Leitað var leiða til að draga úr umhverfisáhrifum, þ.e. olíunotkun og snertingu veiðarfæris við botn og er ljósvarpan niðurstaða þeirrar vinnu. Ljósvarpan smalar saman fiskum með ljósi í stað víra, hlera og netveggja og getur svifið í fastri hæð yfir botni. Ljós hefur ekkert dráttarviðnám í vatni og auk þess smalar varpan fiskum upp af botni með ljósi án þess að snerta botn. Þannig er stuðlað að verndun búsvæða fiskistofna og dregið verulega úr notkun óendurnýjanlegra orkuauðlinda (olíu) og losun koltvísýrings. 

XRG Power
XRG Power sérhæfir sig í að þróa rafstöðvar sem vinna rafmagn úr jarðvarma sem er undir suðumarki, 70 – 135°C. Nú þegar er frumgerð rafstöðvarinnar til og hefur hún verið sannreynd á gólfi með góðum árangri. Markmiðið er að halda áfram að þróa rafstöðina svo hún getið unnið rafmagn úr varma fyrir heimsmarkaðinn, en ætlunin er að byrja á útfærslum í íslenskum lágvarma.


Loki Geothermal, þróun þanloka
Unnið er að þróun nýrrar gerðar af höfuðlokum fyrir borholur á háhitasvæðum ásamt því að þjónusta lokana. Þeir lokar sem eru í rekstri í dag eru flestir hannaðir fyrir olíuiðnaðinn og eru því bilanir tíðar og þörf á að endurbæta þessa loka. 

Laki – Power On-Line Generator 
Laki vinnur að þróun lausnar sem nýtir segulsvið háspennulína til raforkuframleiðslu. Lausnin er afar vistvæn og er ætlað að skila af sér nægu afli svo aflfæða megi hverskyns rafbúnað, t.d. fjarskipta- og eftirlitsbúnað. Meginmarkmið með lausninni er að búa til vöru sem meðal annars eykur rekstraröryggi flutnings- og dreifikerfa raforku, einfaldar eftirlit og viðhaldsvinnu, eykur mannöryggi og dregur úr slysahættu.

Orkey – hráefni til díselframleiðslu 
Verkefnið snýst um að kanna hagkvæmni þess að vinna olíu úr lífrænum úrgangi sem fellur til á Norðurlandi. Verði þessi verkefni að veruleika munu þau leysa langvarandi hráefnisskort og auka enn frekar nýtingu á úrgangi og framleiðslu á endurnýjanlegu eldsneyti á Eyjafjarðar- svæðinu. Verkefnið fellur einnig vel að markmiðum Ísland sem hefur skuldbundið sig samkvæmt tilskipun Evrópuþingsins að hafa 10% hlut endurnýjanlegrar orku í samgöngum árið 2020.

Breki harðfiskur 
Breki er harðfiskur í nýjum umbúðum þar sem hann hefur verið poppaður upp í nútíma snakkvörubúning með það að markmiði að auka sölu hans á erlendum mörkuðum og ekki síður til erlendra ferðamanna á Íslandi. Nýjungin felst í því að harðfiskurinn er meðhöndlaður í örþunnar og sléttar harðfiskflögur sem minna á snakk. Með því að útfæra lögun, áferð og stærð á snakkflögunum er verið að taka mikilvægt skref í átt að alþjóðlegum mörkuðum.

Aðkoma kvenna í sjávarútvegi 
Markmiðið með verkefninu er að kortleggja tækifæri til vaxtar fyrir konur innan sjávarútvegsins með aukinni þátttöku þeirra innan greinarinnar. Með því að greina núverandi stöðu verður hægt að bera kennsl á tækifæri til nýsköpunar og jafnframt leiðir til að efla hlut kvenna í frumkvöðlastarfsemi, aðkomu og þátttöku í sjávarútvegi og setja stefnuna fram á við hvað málefnið varðar í íslenskum sjávarútveg.

Hér að neðan má sjá viðtöl við nokkra styrkþega.

Myndabanki

Nýjustu fréttir

Íslandsbanki gefur út skuldabréf fyrir 300 milljónir evra og tilkynnir um endurkaup á hluta af eldra skuldabréfi

04.04.2019 - Kauphöll
Íslandsbanki hefur í dag gefið út skuldabréf að fjárhæð 300 milljónir evra (um 40 milljarðar íslenskra króna) til 3 ára. Bréfið ber 1,125% fasta vexti...Nánar

Aðalfundur Íslandsbanka 2019 - dagskrá, aðilar í framboði og tillögur

19.03.2019
Aðalfundur Íslandsbanka verður haldinn fimmtudaginn 21. mars 2019, kl. 15:00 í höfuðstöðvum bankans á 9. hæð Norðurturns að Hagasmára 3, 201 Kópavogi...Nánar

Íslandsbanki með átta tilnefningar til Lúðursins

28.02.2019
Íslandsbanki er með átta tilnefningar til Lúðurins ásamt því að vera tilnefndur til ÁrunnarNánar

Aðalfundur Íslandsbanka

25.02.2019
Aðalfundur Íslandsbanka verður haldinn fimmtudaginn 21. mars 2019.Nánar

Sparað fyrir barneignum

20.02.2019
Tekjutap aðila með meðaltekjur í 6 mánaða fæðingarorlofi nemur um 640.000 krónum. Við þetta bætast 400.000 krónur í töpuðum séreignarsparnaði. Ástæðan...Nánar

Íslandsbanki hefur gefið út ársskýrslu og áhættuskýrslu (Pillar 3) fyrir árið 2018

13.02.2019 - Kauphöll
Íslandsbanki hefur gefið út ársskýrslu og áhættuskýrslu fyrir árið 2018. Nánar

Ársuppgjör 2018

13.02.2019 - Kauphöll
Afkoma bankans og Íslandssjóða var ágæt á árinu og skilaði samstæðan hagnaði upp á 10,6 ma. kr. en erfiður rekstur annarra dótturfélaga dró heldur úr...Nánar
Netspjall