Íslandsbanki samstarfsaðili Startup Tourism

04.11.2015
  • Nýr viðskiptahraðall fyrir sprotafyrirtæki í ferðaþjónustu
  • Samstarfsverkefni Klak Innovit, Íslandsbanka, Isavia, Vodafone, Bláa lónsins og Íslenska ferðaklasans
  • Tíu fyrirtæki verða valin og fá aðstoð og stuðning yfir tíu vikna tímabil
  • Hraðallinn hefst 1. febrúar nk. en vinnusmiðjur verða haldnar á landsbyggðinni í nóvember og desember
  • Markmið samstarfsins er að efla frumkvöðlastarf innan greinarinnar, ýta undir dreifingu ferðamanna hringinn í kringum landið yfir allt árið, auka atvinnu- og verðmætasköpun og auka fagmennsku og þekkingarmiðlun
  • Engin skuldbinding felst í þátttöku í Startup Tourism
 
Klak Innovit hefur í samstarfi við Íslandsbanka, Isavia, Vodafone og Bláa lónið ásamt Íslenska ferðaklasanum komið á fót nýjum viðskiptahraðli með sérstaka áherslu á ferðaþjónustu. Allt að tíu fyrirtæki verða valin til þátttöku í hraðalinn sem hefst 1. febrúar 2016. Í tíu vikur fá forsvarsmenn fyrirtækjanna þjálfun, fræðslu, ráðgjöf og leiðsögn frá hinum ýsmu sérfræðingum, fjárfestum og reyndum frumkvöðlum við að þróa viðskiptahugmyndir sínar áfram.
 
Hraðallinn er settur upp að erlendri fyrirmynd en sambærilegir viðskiptahraðlar eru starfandi um allan heim. Hérlendis eru þegar starfandi tveir aðrir hraðlar, Startup Reykjavík og Startup Energy Reykjavík. Báðir hafa þeir gefið góða raun en samtals hafa 54 fyrirtæki tekið þátt í þeim frá árinu 2012.
 
Markmið Startup Tourism verkefnisins er að efla frumkvöðlastarf innan greinarinnar og ýta undir atvinnu- og verðmætasköpun á Íslandi. Verkefninu er ætlað að stuðla að faglegri undirstöðu hjá nýjum fyrirtækjum í ferðaþjónustu og stuðla að dreifingu ferðamanna í kringum landið, allt árið um kring.  Verkefninu er ekki síður ætlað að miðla þeirri þekkingu sem orðið hefur til á undanförnum árum og áratugum og efna til umræðu um helstu áskoranir og tækifæri innan greinarinnar.
 
Hraðallinn sjálfur hefst 1. febrúar 2016 og fer fram í Reykjavík. Í nóvember og desember verða haldnar stuttar vinnusmiðjur á Egilsstöðum, Ísafirði, Akureyri, Hvolsvelli og í Reykjanesbæ. Opið er fyrir umsóknir bæði í vinnusmiðjur og viðskiptahraðalinn á vefsíðu verkefnisins, startuptourism.is


Ljósmynd frá undirskrift samstarfssamnings um Startup Tourism.  
Frá vinstri; Grímur Sæmundsen, forstjóri Bláa lónsins, Elín Árnadóttir, aðstoðarforstjóri ISAVIA, Björn Óli Hauksson, forstjóri ISAVIA, Oddur Sturluson, verkefnastjóri hjá Klak Innovit, Salóme Guðmundsdóttir, framkvæmdastjóri Klak Innovit, Birna Einarsdóttir, bankastjóri Íslandsbanka, Rósbjörg Jónsdóttir,  verkefnastjóri Íslenska ferðaklasans, Stefán Sigurðsson, forstjóri Vodafone og Björgvin Ingi Ólafsson, framkvæmdastjóri viðskipta og þróunar hjá Íslandsbanka.

Nýjustu fréttir

Íslandsbanki gefur út skuldabréf fyrir 300 milljónir evra og tilkynnir um endurkaup á hluta af eldra skuldabréfi

04.04.2019 - Kauphöll
Íslandsbanki hefur í dag gefið út skuldabréf að fjárhæð 300 milljónir evra (um 40 milljarðar íslenskra króna) til 3 ára. Bréfið ber 1,125% fasta vexti...Nánar

Aðalfundur Íslandsbanka 2019 - dagskrá, aðilar í framboði og tillögur

19.03.2019
Aðalfundur Íslandsbanka verður haldinn fimmtudaginn 21. mars 2019, kl. 15:00 í höfuðstöðvum bankans á 9. hæð Norðurturns að Hagasmára 3, 201 Kópavogi...Nánar

Íslandsbanki með átta tilnefningar til Lúðursins

28.02.2019
Íslandsbanki er með átta tilnefningar til Lúðurins ásamt því að vera tilnefndur til ÁrunnarNánar

Aðalfundur Íslandsbanka

25.02.2019
Aðalfundur Íslandsbanka verður haldinn fimmtudaginn 21. mars 2019.Nánar

Sparað fyrir barneignum

20.02.2019
Tekjutap aðila með meðaltekjur í 6 mánaða fæðingarorlofi nemur um 640.000 krónum. Við þetta bætast 400.000 krónur í töpuðum séreignarsparnaði. Ástæðan...Nánar

Íslandsbanki hefur gefið út ársskýrslu og áhættuskýrslu (Pillar 3) fyrir árið 2018

13.02.2019 - Kauphöll
Íslandsbanki hefur gefið út ársskýrslu og áhættuskýrslu fyrir árið 2018. Nánar

Ársuppgjör 2018

13.02.2019 - Kauphöll
Afkoma bankans og Íslandssjóða var ágæt á árinu og skilaði samstæðan hagnaði upp á 10,6 ma. kr. en erfiður rekstur annarra dótturfélaga dró heldur úr...Nánar
Netspjall