Nýtt útibú Íslandsbanka í Norðurturni

13.01.2016

Nýtt útibú Íslandsbanka mun opna næstkomandi haust á nýjum stað í Norðurturni Smáralindar. Munu þrjú útibú sameinast í Norðurturni, útibúin í Þarabakka, á Digranesvegi og á Garðatorgi, og verður þetta því eitt af stærstu útibúum bankans.

Hönnun og virkni útibúsins tekur mið af breyttum áherslum í þjónustu sem snýst í auknum mæli um ráðgjöf og minna um einfaldari færslur sem viðskiptavinir geta framkvæmt með öðrum dreifileiðum, eins í hraðbönkum, netbanka og appi.

Markmið með sameiningunni er að starfrækja öflugt útibú í miðju höfuðborgarsvæðisins sem veitir bæði einstaklingum og fyrirtækjum góða fjármálaþjónustu í nýju og glæsilegu húsnæði. Mikil uppbygging er fyrirhuguð á svæðinu og verður aðgengi mjög gott fyrir viðskiptavini.

Útibússtjóri nýs sameinaðs útibús verður Lilja Pálsdóttir, núverandi útibússtjóri útibúsins í Þarabakka.

Una Steinsdóttir, framkvæmdastjóri Viðskiptabankans:

„Nýtt útibú verður í samræmi við þá þróun sem er að verða í bankaþjónustu, þar sem síaukin áhersla er á ráðgjöf til viðskiptavina. Í nýju öflugu útibúi mun koma saman mikil þekking og reynsla starfsmanna, sem munu kappkosta sem áður að veita góða og faglega þjónustu. Útibúið verður staðsett í miðju höfuðborgarsvæðisins og stutt frá núverandi útibúum. Síðasta vor opnuðum við nýtt útibú út á Granda þar sem mið var tekið af breyttum áherslum og hafa viðskiptavinir okkar tekið þessum breytingum mjög vel“.

Nýjustu fréttir

Íslandsbanki gefur út skuldabréf fyrir 300 milljónir evra og tilkynnir um endurkaup á hluta af eldra skuldabréfi

04.04.2019 - Kauphöll
Íslandsbanki hefur í dag gefið út skuldabréf að fjárhæð 300 milljónir evra (um 40 milljarðar íslenskra króna) til 3 ára. Bréfið ber 1,125% fasta vexti...Nánar

Aðalfundur Íslandsbanka 2019 - dagskrá, aðilar í framboði og tillögur

19.03.2019
Aðalfundur Íslandsbanka verður haldinn fimmtudaginn 21. mars 2019, kl. 15:00 í höfuðstöðvum bankans á 9. hæð Norðurturns að Hagasmára 3, 201 Kópavogi...Nánar

Íslandsbanki með átta tilnefningar til Lúðursins

28.02.2019
Íslandsbanki er með átta tilnefningar til Lúðurins ásamt því að vera tilnefndur til ÁrunnarNánar

Aðalfundur Íslandsbanka

25.02.2019
Aðalfundur Íslandsbanka verður haldinn fimmtudaginn 21. mars 2019.Nánar

Sparað fyrir barneignum

20.02.2019
Tekjutap aðila með meðaltekjur í 6 mánaða fæðingarorlofi nemur um 640.000 krónum. Við þetta bætast 400.000 krónur í töpuðum séreignarsparnaði. Ástæðan...Nánar

Íslandsbanki hefur gefið út ársskýrslu og áhættuskýrslu (Pillar 3) fyrir árið 2018

13.02.2019 - Kauphöll
Íslandsbanki hefur gefið út ársskýrslu og áhættuskýrslu fyrir árið 2018. Nánar

Ársuppgjör 2018

13.02.2019 - Kauphöll
Afkoma bankans og Íslandssjóða var ágæt á árinu og skilaði samstæðan hagnaði upp á 10,6 ma. kr. en erfiður rekstur annarra dótturfélaga dró heldur úr...Nánar
Netspjall