Breytingar hjá Íslandssjóðum

19.10.2016

Kjartan Smári Höskuldsson hefur verið ráðinn framkvæmdastjóri Íslandssjóða. Kjartan Smári hefur víðtæka reynslu af fjármálamarkaði, en undanfarin níu ár hefur hann starfað sem forstöðumaður hjá VÍB, eignastýringarþjónustu Íslandsbanka, þar sem hann hefur leitt fagfjárfestasvið, lífeyrissvið og fjármögnun sérhæfðra fjárfestinga. Kjartan Smári er með MA gráðu í alþjóðaviðskiptum frá UAB háskólanum í Barcelona og BA gráðu í Sálfræði frá Háskóla Íslands. Hann hefur einnig lokið prófi í verðbréfaviðskiptum.

Íslandssjóðir hf. er sérhæft félag á sviði eignastýringar og sjóðastýringar. Félagið var stofnað árið 1994 og starfrækir breitt úrval verðbréfa- og fjárfestingasjóða. Fimmtán sérfræðingar í eignastýringu starfa hjá Íslandssjóðum og um 100 milljarðar króna eru ávaxtaðir í sjóðum félagsins auk sérhæfðra fjárfestinga. Aukin áhersla verður framvegis lögð á sérhæfðar fjárfestingar, svo sem fasteignaverkefni, lánasjóði og framtakssjóði og eru þessar breytingar liður í því.

„Íslandssjóðir eru í sóknarhug enda eru mikil tækifæri framundan á eignastýringarmarkaði, bæði þegar horft er til sérhæfðra fjárfestinga og almennra verðbréfasjóða. Það er því afar spennandi verkefni að leiða þau öflugu eignastýringarteymi sem starfa hjá Íslandssjóðum í að þróa spennandi og góða fjárfestingarkosti fyrir viðskiptavini félagsins sem eru bæði almennir sparifjáreigendur og fagfjárfestar. Ráðning öflugra og reynslumikilla sérfræðinga inn í eignastýringarteymi Íslandssjóða eru mikilvægur liður í þessari vegferð.“
Kjartan Smári Höskuldsson, framkvæmdastjóri Íslandssjóða.

Jóhannes Hauksson hefur tekið við starfi forstöðumanns sérhæfðra fjárfestinga hjá Íslandssjóðum og er staðgengill framkvæmdastjóra. Jóhannes er með langa reynslu af fjárfestingum, fjármögnun fyrirtækja, verkefnafjármögnun og fjárhagslegri endurskipulagningu. Jóhannes er framkvæmdastjóri Akurs fjárfestinga slhf., framtakssjóðs í stýringu Íslandssjóða. Áður var Jóhannes forstöðumaður Fyrirtækjalausna, deildar sem annaðist fjárhagslega endurskipulagningu í Íslandsbanka árin 2010-2013.

Jónas Þór Jónasson hefur verið ráðinn sjóðsstjóri í sérhæfðum fjárfestingum Íslandssjóða. Jónas Þór er með yfirgripsmikla reynslu af fasteignafjárfestingum, fasteignaþróun og uppbyggingu allt frá árinu 1999 þegar Jónas hóf störf hjá Þyrpingu (nú Reitir) og síðar hjá Klasa hf. Meðal fasteigna- og þróunarverkefna sem Jónas hefur unnið að má nefna Skuggahverfi 101, Kringluna, Norðurbakkann í Hafnarfirði, miðbæ Garðabæjar og Litlatún verslunarhverfi, Kauptún, Hotel Reykjavík Centrum, Hilton Canopy, Fontana Spa, Hádegismóa og Höfðahverfi í Elliðaárvogi.

Hrönn Greipsdóttir hefur verið ráðin sjóðsstjóri í sérhæfðum fjárfestingum Íslandssjóða. Hrönn mun áfram gegna starfi framkvæmdastjóra fjárfestingarfélagsins Eldeyjar TLH hf. sem fjárfestir í ferðaþjónustu og stýrt er af Íslandssjóðum. Hrönn hefur yfirgripsmikla reynslu á sviði ferðaþjónustu og fjármála en hún var m.a. framkvæmdastjóri Hótel Sögu ehf. og sat í stjórn SAF um árabil.

Haukur Skúlason hefur verið ráðinn sjóðsstjóri í sérhæfðum fjárfestingum Íslandssjóða. Haukur hefur viðamikla reynslu af innlendum fjármálamarkaði og fasteignafjárfestingum en áður en Haukur gekk til liðs við VÍB fyrr á þessu ári starfaði hann í fimm ár við umsýslu fjárfestingaeigna Tryggingamiðstöðvarinnar. Haukur settist í stjórn fasteignafélagsins FAST-1 við stofnun þess árið 2012 og gegnir nú stjórnarformennsku í félaginu, en FAST-1 er fasteignafélag í stýringu Íslandssjóða með rúmlega 22 milljarða í heildareignir.

Íslandssjóðir hf. er sjálfstætt dótturfélag Íslandsbanka. Stjórnarformaður félagsins er Tanya Zharov, lögfræðingur en aðrir stjórnarmenn eru Kristján Björgvinsson, löggiltur endurskoðandi, Bolli Héðinsson, háskólakennari og Jensína Kristín Böðvarsdóttir, framkvæmdastjóri.


Á myndinni eru: Jónas Þór Jónasson, Tanya Zharov, Kjartan Smári Höskuldsson, Hrönn Greipsdóttir, Jóhannes Hauksson og Haukur Skúlason.

Nýjustu fréttir

Íslandsbanki gefur út skuldabréf fyrir 300 milljónir evra og tilkynnir um endurkaup á hluta af eldra skuldabréfi

04.04.2019 - Kauphöll
Íslandsbanki hefur í dag gefið út skuldabréf að fjárhæð 300 milljónir evra (um 40 milljarðar íslenskra króna) til 3 ára. Bréfið ber 1,125% fasta vexti...Nánar

Aðalfundur Íslandsbanka 2019 - dagskrá, aðilar í framboði og tillögur

19.03.2019
Aðalfundur Íslandsbanka verður haldinn fimmtudaginn 21. mars 2019, kl. 15:00 í höfuðstöðvum bankans á 9. hæð Norðurturns að Hagasmára 3, 201 Kópavogi...Nánar

Íslandsbanki með átta tilnefningar til Lúðursins

28.02.2019
Íslandsbanki er með átta tilnefningar til Lúðurins ásamt því að vera tilnefndur til ÁrunnarNánar

Aðalfundur Íslandsbanka

25.02.2019
Aðalfundur Íslandsbanka verður haldinn fimmtudaginn 21. mars 2019.Nánar

Sparað fyrir barneignum

20.02.2019
Tekjutap aðila með meðaltekjur í 6 mánaða fæðingarorlofi nemur um 640.000 krónum. Við þetta bætast 400.000 krónur í töpuðum séreignarsparnaði. Ástæðan...Nánar

Íslandsbanki hefur gefið út ársskýrslu og áhættuskýrslu (Pillar 3) fyrir árið 2018

13.02.2019 - Kauphöll
Íslandsbanki hefur gefið út ársskýrslu og áhættuskýrslu fyrir árið 2018. Nánar

Ársuppgjör 2018

13.02.2019 - Kauphöll
Afkoma bankans og Íslandssjóða var ágæt á árinu og skilaði samstæðan hagnaði upp á 10,6 ma. kr. en erfiður rekstur annarra dótturfélaga dró heldur úr...Nánar
Netspjall