Úthlutun úr Styrktarsjóði Íslandsbanka og ÍSÍ

14.12.2016

Framkvæmdastjórn ÍSÍ hefur samþykkt tillögu sjóðsstjórnar Styrktarsjóðs Íslandsbanka og ÍSÍ fyrir 2016. Úthlutunin nemur í heild sinni 2,5 milljónum króna.

Íslandsbanki er stoltur af því að fá tækifæri til að styðja við ungt íþróttafólk á aldrinum 15 til 20 ára. Með úthlutun styrkja úr sjóðnum er ungu afreksfólki gert kleift að komast enn lengra og ná árangri á erlendri grundu.

Úthlutunin fyrir 2016 skiptist á eftirfarandi hátt:

Saga Traustadóttir kylfingur, 250.000 kr. Saga sigraði á einu af mótum Eimskipsmótaraðar fullorðinna á síðasta keppnistímabili og síðustu tvö tímabil hefur hún unnið Íslandsbankamótaröðina í sínum aldursflokki. Framundan hjá Sögu eru mót í Bandaríkjunum.

Ingvar Andri Magnússon kylfingur, 250.000 kr. Ingvar Andri hefur fagnað stigameistaratitli á Íslandsbankamótaröðinni síðastliðin fjögur ár. Styrkurinn er veittur til að hann geti tekið þátt í fleiri mótum erlendis sem veita honum ómetanlega reynslu til lengri tíma litið.

Kristófer Darri Finnsson badmintonspilari, 250.000 kr. Kristófer Darri hefur keppt í yngri landsliðum í badminton en er nú kominn í A-landslið Íslands. Kristófer Darri fær styrk til að sækja mót erlendis sem gefa stig á heimslista.

Andri Nikolaysson Mateev skylmingar - höggsverð, 250.000 kr. Andri er Norðurlandameistari í U17 og U20 ára flokkum. Á Evrópubikarmóti sem haldið var í Sofíu Búlgaríu hafnaði Andri í 11. sæti. Komandi ár verður annasamt með m.a. keppni á EMU18 og U21, EM og HM fullorðinna.

Kristinn Þór Sigurðsson og Lilja Rún Gísladóttir samkvæmisdans, 500.000 kr. Kristinn Þór og Lilja Rún voru fyrstu Íslendingarnir til að vinna eitt sterkasta dansmót í heimi, The International Championship, sem haldið var í Englandi á þessu ári. Þar sigruðu þau 125 pör víðs vegar að úr heiminum. Framundan eru fjölmargar æfinga og keppnisferðir m.a. opin Evrópu- og Heimsmeistaramót.

Frjálsíþróttasamband Íslands, 1.000.000 kr. Styrkurinn er veittur vegna stórmóta og úrvalshóps FRÍ. Á næsta ári eru fjölmörg verkefni fyrirhuguð á vegum FRÍ fyrir unglinga á þessum aldri, þar sem margt efnilegt íþróttafólk hefur náð lágmörkum. Auk verkefna innanlands til undirbúnings má m.a. nefna Junioren-Gala í Mannheim í Þýskalandi, EM 16-19 á Ítalíu auk Ólympíuhátíðar Evrópuæskunnar.

Sjóðsstjórn er skipuð þeim Helgu H. Magnúsdóttur, Elsu Nielsen og Kristínu Rós Hákonardóttur. Umsóknir um styrk á árinu 2016 voru 81 talsins. Við mat á umsóknum leggur sjóðsstjórn til grundvallar almennt viðmið íþróttahreyfingarinnar um stöðu íþróttamanna og flokka í afreksstarfi.

Nýjustu fréttir

Íslandsbanki gefur út skuldabréf fyrir 300 milljónir evra og tilkynnir um endurkaup á hluta af eldra skuldabréfi

04.04.2019 - Kauphöll
Íslandsbanki hefur í dag gefið út skuldabréf að fjárhæð 300 milljónir evra (um 40 milljarðar íslenskra króna) til 3 ára. Bréfið ber 1,125% fasta vexti...Nánar

Aðalfundur Íslandsbanka 2019 - dagskrá, aðilar í framboði og tillögur

19.03.2019
Aðalfundur Íslandsbanka verður haldinn fimmtudaginn 21. mars 2019, kl. 15:00 í höfuðstöðvum bankans á 9. hæð Norðurturns að Hagasmára 3, 201 Kópavogi...Nánar

Íslandsbanki með átta tilnefningar til Lúðursins

28.02.2019
Íslandsbanki er með átta tilnefningar til Lúðurins ásamt því að vera tilnefndur til ÁrunnarNánar

Aðalfundur Íslandsbanka

25.02.2019
Aðalfundur Íslandsbanka verður haldinn fimmtudaginn 21. mars 2019.Nánar

Sparað fyrir barneignum

20.02.2019
Tekjutap aðila með meðaltekjur í 6 mánaða fæðingarorlofi nemur um 640.000 krónum. Við þetta bætast 400.000 krónur í töpuðum séreignarsparnaði. Ástæðan...Nánar

Íslandsbanki hefur gefið út ársskýrslu og áhættuskýrslu (Pillar 3) fyrir árið 2018

13.02.2019 - Kauphöll
Íslandsbanki hefur gefið út ársskýrslu og áhættuskýrslu fyrir árið 2018. Nánar

Ársuppgjör 2018

13.02.2019 - Kauphöll
Afkoma bankans og Íslandssjóða var ágæt á árinu og skilaði samstæðan hagnaði upp á 10,6 ma. kr. en erfiður rekstur annarra dótturfélaga dró heldur úr...Nánar
Netspjall