Nýjar lausnir og afþreying í ferðaþjónustu kynnt í Tjarnarbíó

02.05.2017

Lokaviðburður viðskiptahraðalsins Startup Tourism fór fram föstudaginn 28. apríl síðastliðinn í Tjarnarbíó. Þar kynntu níu ný fyrirtæki í ferðaþjónustu viðskiptahugmyndir sínar fyrir fullum sal af fjárfestum, lykilaðilum í ferðaþjónustu á Íslandi og öðrum gestum. Þórdís Kolbrún R. Gylfadóttir ráðherra ferðamála, iðnaðar og nýsköpunar flutti opnunarávarp og frumkvöðullinn Oliver Luckett fjallaði um vörumerkið Ísland. Birna Einarsdóttir, bankastjóri Íslandsbanka bauð gesti velkomna fyrir hönd bakhjarla verkefnisins en Íslandsbanki er bakhjarl ásamt Bláa lóninu, Isavia og Vodafone.

  • Startup Tourism er tíu vikna viðskiptahraðall fyrir nýjar hugmyndir og fyrirtæki á sviði ferðaþjónustu
  • Markmið Startup Tourism er að hvetja til nýsköpunar í ferðaþjónustu og stuðla að dreifingu ferðamanna allt landið um kring, allan ársins hring.
  • 10 fyrirtæki voru valin til þátttöku í upphafi árs úr hópi 94 umsókna
  • Alls hafa 20 fyrirtæki tekið þátt frá árinu 2016. Níu þeirra eru nú þegar starfandi og er gert ráð fyrir að flest hinna hefji rekstur í sumar og haust.
  • Um framkvæmd verkefnisins sér Icelandic Startups í samstarfi við Íslenska ferðaklasann.

Nýsköpunarumhverfið á íslandi einkennist af miklum krafti. Startup Tourism er tíu vikna viðskiptahraðall sem er sérsniðinn að þörfum nýrra fyrirtækja í ferðaþjónustu. Verkefninu er ætlað að veita þeim faglega undirstöðu og hraða ferlinu frá því að hugmynd fæðist þar til viðskipti taka að blómstra. Í þrjá mánuði fá þátttakendur tækifæri til að þróa áfram viðskiptahugmyndir sínar undir leiðsögn reyndra frumkvöðla, fjárfesta, lykilaðila innan ferðaþjónustunnar og annarra sérfræðinga og stjórnenda þeim að kostnaðarlausu.

Umsóknarfjöldi jókst um 30% á milli ára, en tíu teymi voru í byrjun árs valin til þátttöku úr hópi 94 umsókna.

Lokaviðburður Startup Tourism fór fram í Tjarnarbíó föstudaginn 28. apríl þar sem teymin kynntu viðskiptahugmyndir sínar fyrir fullum sal af fjárfestum og lykilaðilum innan ferðaþjónustunnar. Eitt þeirra hefur nú þegar hafið rekstur og er gert ráð fyrir að flest hinna geti hafið starfsemi strax í sumar og haust.

Áhugasamir geta kynnt sér teymin og starfsemi þeirra á heimasíðu Startup Tourism, www.startuptourism.is, en eftirtöld fyrirtæki kynntu hugmyndir sínar fyrir gestum viðburðarins.

  1. Deaf Iceland
    Sérsniðin þjónusta og afþreying fyrir ferðamenn á táknmáli
  2. Hælið, safn tilfinninganna
    Setur um sögu berklanna á Kristnesi í Eyjafirði
  3. IceYoga
    Jógaævintýri á ferðalagi um landið
  4. MyShopover
    Smáforrit sem veitir aðgang að persónulegri þjónustu sem auðveldar verslun í ókunnu landi
  5. Regnbogasafnið í Reykjavík
    Einstök upplifun ljóss og lita á mærum myndlistar og vísinda
  6. Sigló Ski Lodge
    Áfangastaður og miðstöð fyrir náttúruunnendur á Norðurlandi
  7. Sólvangur Icelandic Horse Center
    Einstök og fjölbreytt upplifun á sönnum íslenskum hestabúgarði
  8. The Cave People
    Lifandi innsýn í manngerða hella sem eitt sinn voru heimili
  9. Travelscope
    Leitarvél sem finnur draumaferðina út frá óskum og sérþörfum

Nýjustu fréttir

Íslandsbanki gefur út skuldabréf fyrir 300 milljónir evra og tilkynnir um endurkaup á hluta af eldra skuldabréfi

04.04.2019 - Kauphöll
Íslandsbanki hefur í dag gefið út skuldabréf að fjárhæð 300 milljónir evra (um 40 milljarðar íslenskra króna) til 3 ára. Bréfið ber 1,125% fasta vexti...Nánar

Aðalfundur Íslandsbanka 2019 - dagskrá, aðilar í framboði og tillögur

19.03.2019
Aðalfundur Íslandsbanka verður haldinn fimmtudaginn 21. mars 2019, kl. 15:00 í höfuðstöðvum bankans á 9. hæð Norðurturns að Hagasmára 3, 201 Kópavogi...Nánar

Íslandsbanki með átta tilnefningar til Lúðursins

28.02.2019
Íslandsbanki er með átta tilnefningar til Lúðurins ásamt því að vera tilnefndur til ÁrunnarNánar

Aðalfundur Íslandsbanka

25.02.2019
Aðalfundur Íslandsbanka verður haldinn fimmtudaginn 21. mars 2019.Nánar

Sparað fyrir barneignum

20.02.2019
Tekjutap aðila með meðaltekjur í 6 mánaða fæðingarorlofi nemur um 640.000 krónum. Við þetta bætast 400.000 krónur í töpuðum séreignarsparnaði. Ástæðan...Nánar

Íslandsbanki hefur gefið út ársskýrslu og áhættuskýrslu (Pillar 3) fyrir árið 2018

13.02.2019 - Kauphöll
Íslandsbanki hefur gefið út ársskýrslu og áhættuskýrslu fyrir árið 2018. Nánar

Ársuppgjör 2018

13.02.2019 - Kauphöll
Afkoma bankans og Íslandssjóða var ágæt á árinu og skilaði samstæðan hagnaði upp á 10,6 ma. kr. en erfiður rekstur annarra dótturfélaga dró heldur úr...Nánar
Netspjall