Íslandsbanki ráðgjafi við sölu á nýjum skuldabréfaflokki Íslandshótela

15.06.2017

Íslandshótel hafa lokið sölu á nýjum skuldabréfaflokki, IH 140647. Bréfin eru til 30 ára með jöfnum greiðslum og bera 3,95% verðtryggða vexti.

Íslandsbanki hf. veitti ráðgjöf og annaðist sölu skuldabréfanna fyrir hönd Íslandshótela.

Seld voru skuldabréf að fjárhæð 2.860 m.kr., en alls var tekið á móti tilboðum að fjárhæð 3.300 m.kr. Nam umframeftirspurn því yfir 15%.

Veðandlag skuldabréfaútgáfunnar samanstendur af fasteignum félagsins að:

  • Aðalstræti 16, sem hýsir Hótel Reykjavík Centrum
  •  Rauðarárstíg 18, sem hýsir Fosshótel Lind
  •  Rauðarárstíg 35-39, sem hýsir Fosshótel Rauðará

Íslandshótel eru annar stærsti hótelrekstraraðili landsins, í herbergjum talið, með 18 staðsetningar og um 1.800 herbergi um land allt. Íslandshótel eiga 16 af þeim 18 fasteignum sem í dag hýsa hótelreksturinn, auk frekari þróunarverkefna á sviði hótelbygginga um land allt. Hjá félaginu starfa allt að 1.100 manns þegar mest lætur. Heildartekjur félagsins námu tæpum 10 ma.kr. árið 2016 og EBITDA var um 3 ma.kr. Heildareignir félagsins námu rúmlega 31 ma.kr. í árslok 2016.

Framkvæmdastjóri félagsins er Davíð T. Ólafsson og er Kolbrún Jónsdóttir framkvæmdastjóri fjármálasviðs.

Nýjustu fréttir

Íslandsbanki gefur út skuldabréf fyrir 300 milljónir evra og tilkynnir um endurkaup á hluta af eldra skuldabréfi

04.04.2019 - Kauphöll
Íslandsbanki hefur í dag gefið út skuldabréf að fjárhæð 300 milljónir evra (um 40 milljarðar íslenskra króna) til 3 ára. Bréfið ber 1,125% fasta vexti...Nánar

Aðalfundur Íslandsbanka 2019 - dagskrá, aðilar í framboði og tillögur

19.03.2019
Aðalfundur Íslandsbanka verður haldinn fimmtudaginn 21. mars 2019, kl. 15:00 í höfuðstöðvum bankans á 9. hæð Norðurturns að Hagasmára 3, 201 Kópavogi...Nánar

Íslandsbanki með átta tilnefningar til Lúðursins

28.02.2019
Íslandsbanki er með átta tilnefningar til Lúðurins ásamt því að vera tilnefndur til ÁrunnarNánar

Aðalfundur Íslandsbanka

25.02.2019
Aðalfundur Íslandsbanka verður haldinn fimmtudaginn 21. mars 2019.Nánar

Sparað fyrir barneignum

20.02.2019
Tekjutap aðila með meðaltekjur í 6 mánaða fæðingarorlofi nemur um 640.000 krónum. Við þetta bætast 400.000 krónur í töpuðum séreignarsparnaði. Ástæðan...Nánar

Íslandsbanki hefur gefið út ársskýrslu og áhættuskýrslu (Pillar 3) fyrir árið 2018

13.02.2019 - Kauphöll
Íslandsbanki hefur gefið út ársskýrslu og áhættuskýrslu fyrir árið 2018. Nánar

Ársuppgjör 2018

13.02.2019 - Kauphöll
Afkoma bankans og Íslandssjóða var ágæt á árinu og skilaði samstæðan hagnaði upp á 10,6 ma. kr. en erfiður rekstur annarra dótturfélaga dró heldur úr...Nánar
Netspjall