105 Miðborg byggir nýtt hverfi á Kirkjusandi

02.02.2018

Uppbyggingarfélagið 105 Miðborg mun reisa nýtt borgarhverfi á Kirkjusandi þar sem verða byggðar 150 íbúðir, skrifstofuhúsnæði, hverfisverslun og hótel. Í mars skrifuðu Reykjavíkurborg og Íslandsbanki undir samning um uppbyggingu á Kirkjusandi og er verkefnið hluti af því samkomulagi. Íslandssjóðir, dótturfélag Íslandsbanka, er rekstraraðili verkefnisins en hluthafahópurinn samanstendur af breiðum hópi fjárfesta. 

105 Miðborg mun reisa tæplega 42.000 fermetra af húsnæði ofanjarðar og verða íbúðirnar af ýmsum gerðum. Gert er ráð fyrir leikskóla, matvöruverslun og hóteli í skipulaginu. Verkefnið er áætlað til fjögurra til fimm ára en gert er ráð fyrir að flutt verði inn í fyrstu íbúðirnar vorið 2020.

Kjartan Smári Höskuldsson, framkvæmdastjóri Íslandssjóða:

“Það er bæði spennandi og krefjandi verkefni að byggja upp nýtt og glæsilegt hverfi á besta stað í borginni. Því leggjum við ríka áherslu á ábyrga uppbyggingu með heildarhagsmuni hverfisins að leiðarljósi. Að baki verkefninu stendur öflugur hópur fjárfesta og það er ánægjulegt að finna hversu mikill jákvæður áhugi er á verkefninu. Íbúðirnar á Kirkjusandi verða fjölbreyttar og mikið er lagt í skipulag og hönnun á fyrsta flokks atvinnuhúsnæði. Kirkjusandur verður nýtt flaggskip skrifstofuhúsnæðis í Reykjavík í beinu framhaldi af Borgartúni, með nægum bílastæðum, góðu aðgengi og á frábærum stað í miðborginni. Með því að geta stýrt uppbyggingu hverfisins í heild sinni næst einnig fram viss hagkvæmni í framkvæmdum.”

Nýjustu fréttir

Íslandsbanki gefur út skuldabréf fyrir 300 milljónir evra og tilkynnir um endurkaup á hluta af eldra skuldabréfi

04.04.2019 - Kauphöll
Íslandsbanki hefur í dag gefið út skuldabréf að fjárhæð 300 milljónir evra (um 40 milljarðar íslenskra króna) til 3 ára. Bréfið ber 1,125% fasta vexti...Nánar

Aðalfundur Íslandsbanka 2019 - dagskrá, aðilar í framboði og tillögur

19.03.2019
Aðalfundur Íslandsbanka verður haldinn fimmtudaginn 21. mars 2019, kl. 15:00 í höfuðstöðvum bankans á 9. hæð Norðurturns að Hagasmára 3, 201 Kópavogi...Nánar

Íslandsbanki með átta tilnefningar til Lúðursins

28.02.2019
Íslandsbanki er með átta tilnefningar til Lúðurins ásamt því að vera tilnefndur til ÁrunnarNánar

Aðalfundur Íslandsbanka

25.02.2019
Aðalfundur Íslandsbanka verður haldinn fimmtudaginn 21. mars 2019.Nánar

Sparað fyrir barneignum

20.02.2019
Tekjutap aðila með meðaltekjur í 6 mánaða fæðingarorlofi nemur um 640.000 krónum. Við þetta bætast 400.000 krónur í töpuðum séreignarsparnaði. Ástæðan...Nánar

Íslandsbanki hefur gefið út ársskýrslu og áhættuskýrslu (Pillar 3) fyrir árið 2018

13.02.2019 - Kauphöll
Íslandsbanki hefur gefið út ársskýrslu og áhættuskýrslu fyrir árið 2018. Nánar

Ársuppgjör 2018

13.02.2019 - Kauphöll
Afkoma bankans og Íslandssjóða var ágæt á árinu og skilaði samstæðan hagnaði upp á 10,6 ma. kr. en erfiður rekstur annarra dótturfélaga dró heldur úr...Nánar
Netspjall