Skýrslur ársins 2017

14.02.2018 - Kauphöll

Íslandsbanki hefur gefið út ársreikning, ársskýrslu, áhættuskýrslu (Pillar 3) og samfélagsskýrslu

Íslandsbanki birti í morgun uppgjör sitt fyrir árið 2017.  Bankinn hefur nú gefið út ársskýrslu, áhættuskýrslu og samfélagsskýrslu. Ritunum er ætlað að veita heildstæða yfirsýn yfir margvíslega starfssemi bankans frá ólíkum sjónarhornum. 

Árið 2017 var tímabil uppbyggingar þar sem áhersla var lögð á að styrkja grunnstoðir bankans en nýjar höfuðstöðvar voru fullkláraðar í Norðurturni í Kópavogi, verkefnamiðuð vinnuaðstaða innleidd, skipulagi var breytt, og unnið var að því að skipta um grunnkerfi bankans. Rekstur bankans var á sama tíma góður og kom hagnaður bankans frá öllum viðskiptaeiningum hans. Bankinn fékk nýlega Íslensku ánægjuvogina fyrir að veita bestu þjónustuna á bankamarkaði, í fimmta sinn, og var jafnframt valinn besti bankinn á Íslandi að mati The Banker.

Í ársskýrslu bankans má finna yfirgripsmikla samantekt um starfssemi og stefnu bankans og helstu atburði sem tengjast rekstri hans árið 2017. Þar er til að mynda að finna umfjöllun yfir þær fjölmörgu stafrænu lausnir sem bankinn hefur kynnt viðskiptavinum nýverið. Viðskiptavinir geta til dæmis sótt um og breytt yfirdrætti í appi Íslandsbanka en appið er þegar orðið stærsta útibú bankans þegar kemur að yfirdráttarumsóknum.  

Samhliða er gefin út sérstök áhættuskýrsla (Pillar 3) sem veitir markaðsaðilum upplýsingar sem ætlað er að auka skilning á áhættustýringu bankans, eiginfjárstöðu hans, sem og lausafjárstöðu. Í skýrslunni kemur meðal annars fram að Íslandsbanki uppfyllti allar innri og ytri kröfur um áhættumörk á árinu 2017 og helst lausafjár- og eiginfjárstaða bankans sterk.

Samfélagsskýrsla bankans kemur út samhliða ársskýrslu í fyrsta sinn en Íslandsbanki leggur mikla áherslu á samfélagsábyrgð í starfsemi sinni. Unnið er eftir níu verkefnum er snúa að ábyrgum rekstri og eitt af lykilverkefnum bankans  árið 2017 var Hjálparhönd, en þá veitir starfsfólk Íslandsbanka góðu málefni lið einn dag á ári. 
Öflugur hópur starfsmanna bankans kom að gerð skýrslnanna en þær veita innsýn í rekstur bankans fyrir viðskiptavini og hagaðila.

Hægt er að nálgast ofangreindar skýrslur, ásamt fjárhagsupplýsingum, á vef bankans.

Nýjustu fréttir

Íslandsbanki gefur út skuldabréf fyrir 300 milljónir evra og tilkynnir um endurkaup á hluta af eldra skuldabréfi

04.04.2019 - Kauphöll
Íslandsbanki hefur í dag gefið út skuldabréf að fjárhæð 300 milljónir evra (um 40 milljarðar íslenskra króna) til 3 ára. Bréfið ber 1,125% fasta vexti...Nánar

Aðalfundur Íslandsbanka 2019 - dagskrá, aðilar í framboði og tillögur

19.03.2019
Aðalfundur Íslandsbanka verður haldinn fimmtudaginn 21. mars 2019, kl. 15:00 í höfuðstöðvum bankans á 9. hæð Norðurturns að Hagasmára 3, 201 Kópavogi...Nánar

Íslandsbanki með átta tilnefningar til Lúðursins

28.02.2019
Íslandsbanki er með átta tilnefningar til Lúðurins ásamt því að vera tilnefndur til ÁrunnarNánar

Aðalfundur Íslandsbanka

25.02.2019
Aðalfundur Íslandsbanka verður haldinn fimmtudaginn 21. mars 2019.Nánar

Sparað fyrir barneignum

20.02.2019
Tekjutap aðila með meðaltekjur í 6 mánaða fæðingarorlofi nemur um 640.000 krónum. Við þetta bætast 400.000 krónur í töpuðum séreignarsparnaði. Ástæðan...Nánar

Íslandsbanki hefur gefið út ársskýrslu og áhættuskýrslu (Pillar 3) fyrir árið 2018

13.02.2019 - Kauphöll
Íslandsbanki hefur gefið út ársskýrslu og áhættuskýrslu fyrir árið 2018. Nánar

Ársuppgjör 2018

13.02.2019 - Kauphöll
Afkoma bankans og Íslandssjóða var ágæt á árinu og skilaði samstæðan hagnaði upp á 10,6 ma. kr. en erfiður rekstur annarra dótturfélaga dró heldur úr...Nánar
Netspjall