Íslandsbanki hf.: Fyrsta árshlutauppgjör Íslandsbanka 2018

08.05.2018 - Kauphöll

Helstu atriði í afkomu 1F2018

  • Hagnaður eftir skatta var 2,1 ma. kr. (1F17: 3,0 ma.kr.) og var arðsemi eigin fjár 4,8% á fjórðungnum (1F17: 7,0%).
  • Hagnaður af reglulegri starfsemi var 2,9 ma. kr. (1F17: 3,5 ma. kr.) og var arðsemi eigin fjár af reglulegri starfsemi miðað við 15% eiginfjárhlutfall þáttar 1 (CET1) 8,2% á fjórðungnum (1F17: 10,6%).
  • Hreinar vaxtatekjur jukust um 4,6% og voru 7,7 ma. kr. (1F17: 7,4 ma. kr) Vaxtamunur var 2,9% (1F17: 2,9%).
  • Hreinar þóknanatekjur voru 2,8 ma. kr. (1F17: 3,3 ma. kr.) sem er lækkun um 15% frá 1F17 og má að mestu rekja til lækkunar á þóknanatekjum í tveimur dótturfélögum bankans.
  • Stjórnunarkostnaður án einskiptisliða var 6,8 ma. kr. á 1F18 sem er 7,3% hækkun frá 1F17 en sé tekið tillit til verðbólgu fyrir tímabilið, þá var hækkunin 2,9%. Hækkunina má að mestu rekja til kostnaður vegna innleiðingar á nýjum grunnkerfum bankans fyrir innlán og greiðslumiðlun en gert er ráð fyrir að því verkefni ljúki síðar á árinu. Einnig höfðu samningsbundnar launahækkanir áhrif til hækkunar á kostnaði.
  • Útlán til viðskiptavina jukust um 2,8% (21 ma. kr.) á 1F18 eða í 776 ma. kr. Ný útlán á fjórðungnum voru 42 ma. kr. og dreifðust vel á milli viðskiptaeininga bankans á meðan innlán frá viðskiptavinum hækkuðu um 1,4% eða 8,2 ma.kr. frá árslokum 2017 (heildarinnlán voru 575 ma. kr.).
  • Lausa- og eiginfjárstaða bankans er áfram sterk og umfram kröfur eftirlitsaðila og innri viðmið.

Helstu atriði úr rekstri 1F2018

  • Bankinn gaf í janúar út 300 milljóna evru skuldabréf á 75 punkta álagi yfir millibankavexti í evrum til 6 ára en með innköllunarheimild eftir 5 ár. Viðskiptin mörkuðu tímamót í rekstri Íslandsbanka en um var að ræða lengstu skuldabréfaútgáfu og bestu kjör erlendis sem íslensk fjármálastofnun hefur notið frá árinu 2008.
  • Í febrúar kynntu Íslandssjóðir uppbyggingarfélagið 105 Miðborg til leiks sem mun reisa í samstarfi við fjárfesta, nýtt 42.000 fermetra borgarhverfi á Kirkjusandi á næstu árum.
  • Á aðalfundi bankans í mars var samþykkt að greiða 13 milljarða króna af hagnaði ársins 2017 í arð til hluthafa en bankinn hefur þá greitt um 76 milljarða króna í arð til hluthafa frá árinu 2013.
  • Góður gangur var í húsnæðislánum á fjórðungnum og uxu þau um 5% frá árinu á undan.
  • Sjálfvirkur afgreiðslubúnaður bankans vegna umsókna um yfirdráttarheimild hefur samþykkt um 4.500 lánveitingar frá því hann var tekinn í notkun byrjun febrúar.
  • Nýlega opnaði Íslandsbanki fyrir samstarf við nýsköpunarfyrirtæki um þróun á framtíðar fjártæknilausnum fyrir viðskiptavini.

Birna Einarsdóttir, bankastjóri Íslandsbanka:

Íslandsbanki hóf árið með áframhaldandi útlánavexti sem nam 2,8% frá áramótum, 1,4% aukningu í innlánum og 5,1% stækkun efnahagsreiknings sem er nú um 1.088 milljarðar króna. Það var góður gangur í nýjum húsnæðislánum sem uxu um 5% frá árinu á undan. Tekjur og þóknanir voru í takt við væntingar í móðurfélagi en 15% samdráttur varð í tekjum og þóknunum samstæðu miðað við sama tíma í fyrra vegna minni umsvifa hjá tveimur dótturfélögum.

Kostnaður er enn of hár hjá bankanum en 2,9% raunhækkun frá fyrra ári má að mestu má rekja til launakostnaðar vegna vinnu við nýtt innlána- og greiðslukerfi auk annarra samningsbundinna launahækkana. Við erum spennt að ljúka við innleiðingu kerfisins síðar á árinu sem mun ásamt nýju skipulagi, áframhaldandi hagræðingaraðgerðum, flutningi í nýjar höfuðstöðvar og skilvirku útibúaneti, leiða til hagkvæmari reksturs og lækkunar á kostnaði hjá bankanum.

Fjármögnun bankans hefur verið árangursrík það sem af er á árinu en við vorum með tvær vel heppnaðar erlendar skuldabréfaútgáfur, aðra að fjárhæð 300 milljónir evra (um 38 milljarðar íslenskra króna) á 75 punkta álagi yfir millibankavöxtum í evrum en hina að fjárhæð 1. milljarður sænskra króna (um 11,9 milljarðar íslenskra króna) á 80 punkta álagi ofan á 3 mánaða millibankavexti í sænskum krónum. Báðar útgáfur eru með innköllunarheimild sem er nýjung á markaði og mun hjálpa við stýringu á lausafjárhlutföllum bankans. Við héldum einnig áfram að vera leiðandi innanlands í útgáfu á sértryggðum bréfum og gáfum út fyrir 9,5 milljarða króna á fjórðungnum.

Í dag fer mestur hluti samskipta bankans við viðskiptavini um stafræna miðla. Í takt við framtíðarsýn okkar um að vera númer eitt í þjónustu, þá höfum við haldið áfram að þróa nýjar stafrænar lausnir í tengslum við Íslandsbanka, Kass og Kreditkorta öppin okkar. Þar að auki kynntum við nýlega til sögunnar spennandi verkefni í tengslum við nýja evrópska tilskipun um greiðslumiðlun, PSD2 þar sem við ætlum að opna fyrir samstarf við þriðja aðila. Með þessu stígur Íslandsbanki mikilvægt skref í átt að bankaþjónustu framtíðarinnar með það í huga að mæta breyttu neyslumynstri viðskiptavina og hraðri þróun á markaði.

Símafundur á ensku kl. 13:00

Markaðsaðilum er boðið upp á símafund á ensku í dag miðvikudaginn 9. maí kl. 13:00. Farið verður yfir helstu atriði í íslenskum efnahagsmálum og afkomu bankans.
Vinsamlegast skráið ykkur á símafundinn með að senda póst á ir@islandsbanki.is. Fundargögn og aðgangsorð vegna símafundar verða send út til skráðra aðila fyrir fundinn.

Öll gögn má nálgast á vef fjárfestatengsla www.islandsbanki.is/fjarfestatengsl.
Upplýsingar um fjárhagsdagatal bankans og þögul tímabil má finna hér: http://www.islandsbanki.is/um-islandsbanka/fjarfestatengsl/fjarhagsdagatal/.

Myndband

Hér má sjá myndband þar sem Jón Guðni Ómarsson, fjármálastjóri Íslandsbanka segir frá uppgjörinu:

 

Nánari upplýsingar

Nýjustu fréttir

Íslandsbanki gefur út skuldabréf fyrir 300 milljónir evra og tilkynnir um endurkaup á hluta af eldra skuldabréfi

04.04.2019 - Kauphöll
Íslandsbanki hefur í dag gefið út skuldabréf að fjárhæð 300 milljónir evra (um 40 milljarðar íslenskra króna) til 3 ára. Bréfið ber 1,125% fasta vexti...Nánar

Aðalfundur Íslandsbanka 2019 - dagskrá, aðilar í framboði og tillögur

19.03.2019
Aðalfundur Íslandsbanka verður haldinn fimmtudaginn 21. mars 2019, kl. 15:00 í höfuðstöðvum bankans á 9. hæð Norðurturns að Hagasmára 3, 201 Kópavogi...Nánar

Íslandsbanki með átta tilnefningar til Lúðursins

28.02.2019
Íslandsbanki er með átta tilnefningar til Lúðurins ásamt því að vera tilnefndur til ÁrunnarNánar

Aðalfundur Íslandsbanka

25.02.2019
Aðalfundur Íslandsbanka verður haldinn fimmtudaginn 21. mars 2019.Nánar

Sparað fyrir barneignum

20.02.2019
Tekjutap aðila með meðaltekjur í 6 mánaða fæðingarorlofi nemur um 640.000 krónum. Við þetta bætast 400.000 krónur í töpuðum séreignarsparnaði. Ástæðan...Nánar

Íslandsbanki hefur gefið út ársskýrslu og áhættuskýrslu (Pillar 3) fyrir árið 2018

13.02.2019 - Kauphöll
Íslandsbanki hefur gefið út ársskýrslu og áhættuskýrslu fyrir árið 2018. Nánar

Ársuppgjör 2018

13.02.2019 - Kauphöll
Afkoma bankans og Íslandssjóða var ágæt á árinu og skilaði samstæðan hagnaði upp á 10,6 ma. kr. en erfiður rekstur annarra dótturfélaga dró heldur úr...Nánar
Netspjall